இளைஞரிடம் இணையவழியில் ரூ.1.18 லட்சம் மோசடி
விழுப்புரத்தைச் சோ்ந்த இளைஞரிடம் இணையவழியில் ரூ. 1.18 லட்சம் மோசடி செய்யப்பட்டது குறித்து சைபா் கிரைம் போலீஸாா் வழக்குப் பதிந்து, விசாரிக்கின்றனா்.
மோசடி
விழுப்புரத்தைச் சோ்ந்த இளைஞரிடம் இணையவழியில் ரூ. 1.18 லட்சம் மோசடி செய்யப்பட்டது குறித்து சைபா் கிரைம் போலீஸாா் வழக்குப் பதிந்து, விசாரிக்கின்றனா்.
விழுப்புரம் சாலாமேடு, ஜீவராஜ் நகரைச் சோ்ந்தவா் ஞா.சீனிவாசன் (30). தனியாா் நிறுவனத்தில் வேலைப் பாா்த்து வருகிறாா். இவரது கைப்பேசி எண்ணுக்கு கடந்த நவ.15-ஆம் தேதி ஒரு அழைப்பு வந்ததாம். அப்போது எதிா் முனையிலிருந்து பேசிய அடையாளம் தெரியாத நபா், தனியாா் வங்கியிலிருந்து பேசுவதாகவும், கடன் அட்டை எண் விவரம் குறித்து விவரங்களை தெரிவிக்கவேண்டும் எனத் தெரிவித்துள்ளாா். இதை உண்மையென நம்பிய சீனிவாசன், தனது வங்கிக் கணக்கு எண், கடன் அட்டை குறித்த விவரங்களை தெரிவித்துள்ளாா். இதையடுத்து சீனிவாசன் வங்கிக் கணக்கிலிருந்த ரூ.1.18 லட்சம் எடுக்கப்பட்டு விட்டதாம். இதுகுறித்த புகாரின் பேரில் விழுப்புரம் மாவட்ட சைபா் கிரைம் போலீஸாா் வழக்குப் பதிந்து, விசாரிக்கின்றனா்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.

