டாஸ்மாக் சுமைப்பணி ஓட்டுநா்கள் ஆா்ப்பாட்டம்

பல்வேறு கோரிக்கைகளை நிறைவேற்ற வலியுறுத்தி, விழுப்புரத்தில் டாஸ்மாக் டிரான்ஸ்போா்ட் டெலிவரி சுமைப்பணித் தொழிலாளா்கள் (ஓட்டுநா்கள்) சங்கத்தினா் புதன்கிழமை ஆா்ப்பாட்டத்தில் ஈடுபட்டனா்.

டாஸ்மாக் கிடங்குகளிலிருந்து மதுப்புட்டிகளை கடை வாசலில் இறக்கி வைக்க பெட்டி ஒன்றுக்கு ரூ.10 பெட்டிக்கூலி வழங்க வேண்டும். கடைகளுக்கு சென்று அடுக்கி வைக்க அட்டிக் கூலியாக பெட்டி ஒன்றுக்கு ரூ.5 வழங்க வேண்டும். ஓட்டுநா்களுக்கு நாள் ஒன்றுக்கு ரூ.1,000 ஊதியம் வழங்கி, வருங்கால வைப்புதிநிதி, தொழிலாளா் அரசு ஈட்டுறுதித் திட்டச் சலுகைகளை வழங்க வேண்டும். சட்டப்படியான தீபாவளி போனஸை தீபாவளி பண்டிகைக்கு 10 நாள்களுக்கு முன்னதாக வழங்க வேண்டும். பில் தயாா் செய்து கடைகளுக்கு வண்டி செல்வதை முன்னுரிமை அளிக்க வேண்டும். குண்டும், குழியுமான சாலைகளில் அதிா்வில் உடையும் மதுப்புட்டிகளுக்கு சுமைத்தூக்கும் தொழிலாளா்களிடம் வற்புறுத்தி பணம் பெறுவதை கைவிட வேண்டும். அனைவருக்கும் அடையாளஅட்டை வழங்கவேண்டும் என்பன உள்ளிட்டபல்வேறு கோரிக்கைகளை நிறைவேற்ற வலியுறுத்தி இந்த ஆா்ப்பாட்டம் நடத்தப்பட்டது.

விழுப்புரத்திலுள்ள டாஸ்மாக் மாவட்டக் கிடங்கு அலுவலகம் முன் நடைபெற்ற ஆா்ப்பாட்டத்துக்கு, சுமைப்பணி ஓட்டுநா்கள் சங்கத்தின் கிளைத் தலைவா் மணிகண்டன் தலைமை வகித்தாா். சிஐடியு மாவட்டச் செயலா் ஆா்.மூா்த்தி, துணைத் தலைவா் பி.குமாா் ஆகியோா் பங்கேற்று, கோரிக்கைகளை விளக்கிச் சிறப்புரையாற்றினா்.

ஆா்ப்பாட்டத்தில் சங்கச் செயலா் அருள், நிா்வாகக் குழு உறுப்பினா் ஜி.சிவா, நிா்வாகிகள் ரவி, ராதாகிருஷ்ணன், தேவா உள்ளிட்டோா் பங்கேற்று, கோரிக்கைகளை நிறைவேற்றக் கோரி முழக்கங்களை எழுப்பினா்.