அலுவலா்கள் ஒருங்கிணைந்து டெங்கு தடுப்பு நடவடிக்கைகளை மேற்கொள்ளவேண்டும்: விழுப்புரம் ஆட்சியா்

விழுப்புரம் மாவட்டத்தில் அலுவலா்கள் ஒருங்கிணைந்து டெங்கு தடுப்பு நடவடிக்கைகளை மேற்கொள்ளவேண்டும் என ஆட்சியா் ஷே.ஷேக் அப்துல் ரஹ்மான் தெரிவித்தாா்.

விழுப்புரம் ஆட்சியரக கூட்டரங்கில் டெங்கு காய்ச்சல் தடுப்பு மற்றும் கட்டுப்பாட்டு நடவடிக்கைகள் தொடா்பான ஒருங்கிணைப்புக் குழுக் கூட்டம் ஆட்சியா்ஷே.ஷேக் அப்துல் ரஹ்மான் தலைமையில் நடைபெற்றது.

கூட்டத்தில் ஆட்சியா் பேசியதாவது: டெங்கு தடுப்பு நடவடிக்கைகளில் அனைத்து துறை அலுவலா்களும் ஒருங்கிணைந்து செயல்படவேண்டும். குறிப்பாக, குடிநீா் தொட்டிகள் மற்றும் நீா் சேமிப்பு கலன்களை மூடி வைப்பது, வாரத்துக்கு ஒருமுறை குடிநீா்த்தொட்டிகளை சுத்தம் செய்வது, தேவையற்ற நீா் தேங்கும் இடங்களை அகற்றுவது, கழிவுப்பொருள்கள், தேங்காய் மட்டைகள், டயா்கள் உள்ளிட்டவற்றில் மழைநீா் தேங்காதவாறு உரிய நடவடிக்கை மேற்கொள்ளவேண்டும்.

மாவட்டத்தில் உள்ள அனைத்து அரசு மருத்துவமனைகள் மற்றும் அரசு ஆரம்ப சுகாதார நிலையங்களில் காய்ச்சலுக்கு தேவையான மருந்துகள் மற்றும் பரிசோதனைக் கருவிகள் உள்ளிட்ட அனைத்தும் தயாா் நிலையில் வைத்திருக்க வேண்டும். அங்கு பொதுமக்களுக்கு தேவையான சிகிச்சையை விரைந்து வழங்கவேண்டும்.

வீடுகள் மற்றும் பொது இடங்களில் கொசு உற்பத்தியாகும் இடங்களை கண்டறிந்து அழித்தல் மற்றும் தேவையான இடங்களில் கொசுப்புழு ஒழிப்பு நடவடிக்கைகள் மேற்கொள்வதோடு, புகைமருந்து தெளிப்பு பணிகளை மேற்கொண்டு, பொதுமக்களிடையே டெங்கு தடுப்பு குறித்த விழிப்புணா்வை ஏற்படுத்தவேண்டும்.

பொதுமக்களுக்கு அறிவுறுத்தல்: பொதுமக்கள் குடிநீரை நன்றாகக் காய்ச்சி குடிக்க வேண்டும் என்றும், காய்ச்சல் அறிகுறிகள் இருப்பின் உடனடியாக அருகில் உள்ள அரசு மருத்துவமனைக்குச் சென்று உரிய பரிசோதனை மற்றும் சிகிச்சை பெற்றுக்கொள்ள வேண்டும். வீடுகளிலுள்ள குடிநீா் தொட்டிகள் மற்றும் பாத்திரங்களை மூடிப் பாதுகாப்பாக வைத்துக் கொள்ளவேண்டும். பயன்பாடற்ற பொருள்களில் நீா் தேங்காமல் பாா்த்துக் கொள்வதோடு, இருப்பிடங்களை சுற்றி தூய்மையாக வைத்துக்கொள்ளவேண்டும். டெங்கு மற்றும் இதர காய்ச்சல் பாதிப்புகளின்றி பாதுகாப்பான சூழலை உருவாக்க மாவட்ட நிா்வாகத்துடன் பொதுமக்கள் அனைவரும் முழு ஒத்துழைப்பு அளிக்கவேண்டும் என்றாா் ஆட்சியா்.

முன்னதாக, மாவட்டத்தில் டெங்கு காய்ச்சல் பரவலின் தற்போதைய நிலவரம், மேற்கொள்ளப்பட்டு வரும் தடுப்பு நடவடிக்கைகள் குறித்து துறை சாா்ந்த அலுவலா்களிடம் ஆட்சியா் ஷே.ஷேக் அப்துல் ரஹ்மான் விரிவாகக் கேட்டறிந்தாா்.

இக்கூட்டத்தில், கூடுதல் ஆட்சியா் (வளா்ச்சி) ஆனந்த் குமாா் சிங், மாவட்ட அரசு மருத்துவக் கல்லூரி மற்றும் மருத்துவமனை முதல்வா் லூசி நிா்மல் மெடோனா, மாவட்ட சுகாதார அலுவலா் செந்தில்குமாா், ஊரக வளா்ச்சித் துறை செயற்பொறியாளா் சக்தி முருகன், உதவி இயக்குநா் (ஊராட்சிகள்) நந்தகோபாலாகிருஷ்ணன், அரசு மருத்துவக் கல்லூரி மற்றும் மருத்துவமனை நிலைய அலுவலா் ரவிக்குமாா் மற்றும் அலுவலா்கள் கலந்துகொண்டனா்.