நான் பூசாரியாக உள்ளேன். என் மகன் பிளஸ் 2 முடித்திருக்கிறார். பட்டப்படிப்பை எந்தப் பிரிவில் படிக்க வைக்கலாம்?
-வாசகர், திண்டுக்கல்.
உங்கள் மகனுக்கு ரிஷப லக்னம், தனுசு ராசி, பூராடம் நட்சத்திரம். லக்னம், ஆறாமதிபதி சுக்கிர பகவான் பாக்கிய ஸ்தானமான ஒன்பதாம் வீட்டில் குடும்பாதிபதி, பூர்வ புண்ணியாதிபதியான புதன் பகவானுடன் இணைந்து மகாவிஷ்ணு, மகாலட்சுமி யோகத்தைக் கொடுக்கிறார். கல்வி ஸ்தானாதிபதி தொழில் ஸ்தானத்தில் திக் பலம், வர்கோத்தமம் பெற்று கல்வி ஸ்தானத்தைப் பார்வை செய்கிறார். இதனால் மேலாண்மைத் துறை படிப்பு ஏற்றது. மனித வளப் பிரிவில் மேற்படிப்பு படிக்கலாம். தற்சமயம் சூரிய பகவானின் தசை இன்னும் ஐந்து ஆண்டுகள் நடக்க இருப்பதால் சூரிய மஹா தசை முடிவதற்குள் உத்தியோகத்திற்குச் சென்றுவிடுவார். சந்திர மங்கள யோகம், தர்மகர்மாதிபதி லக்னத்தில் இருப்பது ஆகியவைகள் மேன்மையான அம்சங்களாகும். எதிர்காலம் சிறப்பாக அமையும்.