திருமணம் கைகூடும்

என் மகன் ஓசூரில் வேலை செய்து வருகிறார். 48 வயதாகிறது. இன்னும் திருமணம் ஆகவில்லை. அவருக்கு எப்பொழுது திருமணம் நடைபெறும்? 

-வாசகி, கிருஷ்ணகிரி.

உங்கள் மகனுக்கு தனுசு லக்னம், விருச்சிக ராசி, கேட்டை நட்சத்திரம். லக்னத்தில் லக்னாதிபதி மூலத் திரிகோணம் பெற்று பஞ்சமஹா புருஷ யோகங்களில் ஒன்றான ஹம்ச யோகத்தைப் பெறுகிறார். குருபகவானின் ஐந்தாம் பார்வை புத்திர ஸ்தானத்தையும், ஏழாம் பார்வை களத்திர ஸ்தானத்தையும், ஒன்பதாம் பார்வை பாக்கிய ஸ்தானத்தையும் அங்கு ஆட்சி பெற்று அமர்ந்திருக்கும் பாக்கியாதிபதியான சூரிய பகவானையும் (சிவராஜ யோகம்), புத்திர ஸ்தானாதிபதியான செவ்வாய் பகவானையும் (குரு மங்கள யோகம்), களத்திர நட்பு ஸ்தானாதிபதி மற்றும் தொழில் ஸ்தானாதிபதியான புத பகவானையும் பார்வை செய்கிறார். பாக்கிய ஸ்தானத்தில் தர்மகர்மாதிபதி யோகம் உண்டாகியிருப்பதும் சிறப்பாகும். தற்சமயம் சந்திர மஹா தசையில் இறுதிப்பகுதி நடப்பதால் இந்த ஆண்டே தகுதியான பெண் அமைந்து திருமணம் கைகூடும். பிரதி வியாழக்கிழமைகளில் குரு பகவானையும், தட்சிணாமூர்த்தியையும் வழிபட்டு வரவும். எதிர்காலம் சிறப்பாக அமையும்.