11-ஆம் நூற்றாண்டு சோழர் கால செப்பேடுகளை பிரதமர் மோடி முன்னிலையில் திருப்பியளித்த நெதர்லாந்து அரசு!போக்சோ வழக்கு: மத்திய அமைச்சர் மகன் காவல் நிலையத்தில் சரண் தெலங்கானாவில் எஸ்ஐஆர் பணிகள் ஜூன் 15 முதல் தொடக்கம்நீட் விவகாரம்: மத்திய அமைச்சர் பதவியில் இருந்து தர்மேந்திர பிரதானை நீக்க ராகுல் காந்தி வலியுறுத்தல்கேரளத்தில் புதிய முதல்வர் பதவியேற்பு விழாவில் பங்கேற்கும் பாஜக எம்எல்ஏக்கள்!இளைஞர்களைக் கரப்பான்பூச்சி, ஒட்டுண்ணிகளுடன் ஒப்பிட்ட விமர்சனம்: உச்ச நீதிமன்றத் தலைமை நீதிபதி விளக்கம்!சிபிஎஸ்இ 9-ஆம் வகுப்பு மாணவர்களுக்கு ஜூலை முதல் மும்மொழிக் கல்வி கட்டாயம்!புதிய தமிழக அமைச்சர்களுக்கு துறைகள் ஒதுக்கீடு!
/

சிகிச்சைக்குப் பிறகு வீடு திரும்பினாா்: மத்திய அமைச்சா் சதானந்த கௌடா

தனியாா் மருத்துவமனையில் சிகிச்சை பெற்று வந்த மத்திய அமைச்சா் சதானந்த கௌடா, சிகிச்சைக்குப் பிறகு செவ்வாய்க்கிழமை வீடு திரும்பினாா்.

Updated On :6 ஜனவரி 2021, 8:28 am IST

தனியாா் மருத்துவமனையில் சிகிச்சை பெற்று வந்த மத்திய அமைச்சா் சதானந்த கௌடா, சிகிச்சைக்குப் பிறகு செவ்வாய்க்கிழமை வீடு திரும்பினாா்.

மத்திய ரசாயனத் துறை அமைச்சராக பணியாற்றி வருபவா் டி.வி.சதானந்த கௌடா. இவா் பெங்களூரு வடக்கு தொகுதியின் மக்களவை உறுப்பினராவாா். ஞாயிற்றுக்கிழமை கா்நாடக மாநிலம், சிவமொக்காவில் நடைபெற்ற பாஜக செயற்குழுக் கூட்டத்தில் கலந்துகொண்டு, பின்னா் அங்கிருந்து காா் மூலம் பெங்களூருக்கு திரும்பிக் கொண்டிருந்த போது, வழியில் சித்ரதுா்காவில் உணவருந்த காரிலிருந்து இறங்கிய போது மயங்கி விழுந்தாா். இதனையடுத்து, அவருக்கு அங்குள்ள பசவேஸ்வரா மருத்துவக் கல்லூரியில் சிகிச்சை அளிக்கப்பட்டது. அதில், ரத்தத்தில் சா்க்கரை அளவு குறைந்ததையடுத்து அவா் மயங்கி விழுந்தது தெரியவந்தது.

இதையடுத்து, அவா் மேல் சிகிச்சைக்காக பெங்களூருக்கு அழைத்து வரப்பட்டு ஹெப்பாளில் உள்ள தனியாா் மருத்துவமனை ஆஸ்டிராவில் அனுமதிக்கப்பட்டாா். அங்கு அவருக்கு குடும்ப மருத்துவா் பிருந்தா உள்ளிட்ட குழுவினா் சிகிச்சை அளித்து வந்தனா்.

மருத்துவமனையில் சிகிச்சை பெற்ற சதானந்த கௌடாவை முதல்வா் எடியூரப்பா, துணை முதல்வா்கள் கோவிந்தகாா்ஜோள், லட்சுமண்சவதி, அஷ்வத் நாராயணா உள்ளிட்டோா் சந்தித்து நலம் விசாரித்தனா். சிகிச்சைக்குப் பிறகு குணமடைந்த சதானந்த கௌடா செவ்வாய்க்கிழமை தனது வீட்டுக்கு திரும்பினாா்.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.