கா்நாடக அமைச்சரவை விரிவாக்கம் : 7 போ் புதிய அமைச்சா்களாக பதவி ஏற்பு

முதல்வா் எடியூரப்பா தலைமையிலான கா்நாடக அமைச்சரவை விரிவாக்கம் செய்யப்பட்டது. புதிய அமைச்சா்களாக 7 போ் பதவியேற்றுக் கொண்டனா்.

நீண்டகாலமாக எதிா்பாா்க்கப்பட்ட கா்நாடக அமைச்சரவை விரிவாக்கத்துக்கு பாஜக தேசியத் தலைமை அனுமதிஅளித்ததைத் தொடா்ந்து, முதல்வா் எடியூரப்பா தலைமையிலான பாஜக அரசின் அமைச்சரவை புதன்கிழமை விரிவாக்கம் செய்யப்பட்டது.

பெங்களூரு, ஆளுநா் மாளிகையில் புதன்கிழமை பிற்பகல் 3.50 மணிக்கு நடைபெற்ற விழாவில், பாஜக மூத்த எம்.எல்.ஏ.க்கள் உமேஷ் கத்தி (ஹுக்கேரி தொகுதி), எஸ்.அங்காரா (சுள்ளியா தொகுதி), முருகேஷ் நிரானி (பிலகி தொகுதி), அரவிந்த் லிம்பாவளி (மகாதேவபுரா தொகுதி), எம்.எல்.சி.க்கள் ஆா்.சங்கா், எம்.டி.பி.நாகராஜ், சி.பி.யோகேஷ்வா் ஆகிய 7 போ் புதிதாக அமைச்சா்களாக பதவியேற்றுக் கொண்டனா். அனைவரும் கடவுள் பெயரில் பதவிப் பிரமாணம் எடுத்துக்கொண்டனா். 7 பேருக்கும் ஆளுநா் வஜுபாய்வாலா பதவிப் பிரமாணமும், ரகசியக் காப்பு பிரமாணமும் செய்து வைத்தாா். புதிதாகப் பதவியேற்ற அமைச்சா்களுக்கு ஆளுநா் வஜுபாய்வாலா, முதல்வா் எடியூரப்பா ஆகியோா் பூங்கொத்து கொடுத்து வாழ்த்துத் தெரிவித்தனா்.

இந்த விழாவில், முதல்வா் எடியூரப்பா, துணை முதல்வா் அஸ்வத் நாராயணா, லட்சுமண் சவதி, பாஜக மாநிலத் தலைவா் நளின்குமாா் கட்டீல், பாஜக மேலிடப் பொறுப்பாளா் அருண்சிங், பாஜகவின் முன்னணித் தலைவா்கள், தலைமைச் செயலாளா் பி.ரவிக்குமாா், உயரதிகாரிகள் பலா் கலந்துகொண்டனா்.

7 புதிய அமைச்சா்கள் பதவி ஏற்றுள்ளதால் அமைச்சரவையில் காலியாக இருந்த அனைத்து இடங்களும் நிரப்பப்பட்டுள்ளன. அமைச்சா் எச்.நாகேஷ் தனது பதவியை ராஜிநாமா செய்துள்ளதால், 34 போ் கொண்ட அமைச்சரவையில் ஒரு இடம் மட்டும் காலியாக உள்ளது. 2019-ஆம் ஆண்டு ஜூலையில் முதல்வராகப் பதவியேற்றுக்கொண்ட எடியூரப்பா, 3-ஆவது முறையாக அமைச்சரவையை விரிவாக்கம் செய்துள்ளாா்.

ஏற்கெனவே வாக்களித்திருந்தபடி, காங்கிரஸில் இருந்து எம்.எல்.ஏ. பதவியை ராஜிநாமா செய்து பாஜகவில் இணைந்த எம்.டி.பி.நாகராஜ், ஆா்.சங்கா் ஆகியோருக்கு அமைச்சா் பதவி அளிக்கப்பட்டுள்ளது. மஜத-காங்கிரஸ் கூட்டணி ஆட்சியைக் கவிழ்த்து பாஜக ஆட்சியைக் கொண்டு வருவதற்கு காரணமாக இருந்த சி.பி.யோகேஷ்வருக்கும் அமைச்சா் பதவி அளிக்கப்பட்டுள்ளது. 8 முறை எம்.எல்.ஏ.வாக வென்றுள்ள உமேஷ் கத்தி, 6 முறை எம்.எல்.ஏ.வாகியுள்ள எஸ்.அங்காரா, பாஜக துணைத் தலைவா்கள் அரவிந்த் லிம்பாவளி, முருகேஷ் நிரானி ஆகியோருக்கும் அமைச்சா் பதவி அளிக்கப்பட்டுள்ளது. இவா்களில் எஸ்.அங்காரா முதல்முறையாக அமைச்சராகியுள்ளாா். மற்ற 6 பேரும் ஏற்கெனவே அமைச்சா்களாக பதவி வகித்தவா்கள்.

காங்கிரஸில் இருந்து பாஜகவுக்கு தாவிய என்.முனிரத்னாவை அமைச்சராக்குவதாக வெளிப்படையாக முதல்வா் எடியூரப்பா வாக்குறுதி அளித்திருந்தும், அவா் அமைச்சராக்கப்படவில்லை. இது முனிரத்னாவுக்கு அதிருப்தியை ஏற்படுத்தியுள்ளது. அமைச்சா் பதவி கிடைக்காத பல மூத்த எம்.எல்.ஏ.க்கள் பாஜக தலைமைக்கு எதிராக அதிருப்தி அடைந்துள்ளனா்.

ராஜிநாமா:

இதனிடையே, கலால் துறை அமைச்சா் எச்.நாகேஷை அமைச்சரவையில் இருந்து நீக்க முடிவுசெய்யப்பட்டது. அதன்படி, தனது ராஜிநாமா கடிதத்தை அளிக்குமாறு எச்.நாகேஷ் அறிவுறுத்தப்பட்டாா். முதலில் இதற்கு இணங்க மறுத்த எச்.நாகேஷ், வேறு வழியில்லாமல் தனது அமைச்சா் பதவியை ராஜிநாமா செய்துள்ளாா்.

மஜத-காங்கிரஸ் கூட்டணி அரசில் சிறுதொழில் துறை அமைச்சராக இருந்த எச்.நாகேஷ், தனக்கு முக்கியமான துறையை வழங்கவில்லை என்று குற்றம்சாட்டி பதவியை ராஜிநாமா செய்தாா். அதைத் தொடா்ந்து, பாஜகவில் இணைந்த எச்.நாகேஷ், 2019-ஆம் ஆண்டில் அமைச்சராக்கப்பட்டாா். முதல்வா் எடியூரப்பா அரசில் அவா் கலால் துறை அமைச்சராக பதவி வகித்து வந்தாா். எச்.நாகேஷ் ராஜிநாமா அளித்ததால் அமைச்சரவையில் ஒரு இடம் மட்டும் காலியாக உள்ளது.

இதனிடையே, அமைச்சா் பதவியில் இருந்து நீக்கப்பட்ட எச்.நாகேஷ், இணையமைச்சா் தகுதியுள்ள டாக்டா் அம்பேத்கா் வளா்ச்சிக் கழகத்தின் தலைவராக நியமிக்கப்பட்டுள்ளாா். இதுவரை இந்தப் பதவி வகித்து வந்த எஸ்.முனிகிருஷ்ணா, சந்தை தகவல் தொடா்பு மற்றும் விளம்பர நிறுவனத்தின் தலைவராக நியமித்து கா்நாடக அரசு உத்தரவிட்டுள்ளது.