சேனல் ஃபைவ் புரொடக்ஷன் தயாரித்துள்ள படம் "குருசாமி'. ஐயப்பனின் மகிமையை மையமாக வைத்து உருவாகியுள்ள இப்படத்தை மணிமுத்து என்பவர் இயக்கியுள்ளார். "பாய்ஸ்' படத்தில் நடித்த மணிகண்டன் கதாநாயகனாக நடித்துள்ளார். அவருக்கு ஜோடியாக உதயதாரா நடித்துள்ளார். டெல்லி கணேஷ், அலெக்ஸ், வடிவுக்கரசி உள்ளிட்ட 20-க்கும் மேற்பட்ட துணை நடிகர்கள் நடித்துள்ளனர்.
""நீண்ட இடைவெளிக்குப் பின் ஐயப்ப சாமியின் மகிமையை சொல்லும் படமாக "குருசாமி' வந்துள்ளது. இதுவரை ஐயப்பன் சினிமாக்களில் வந்த திரைக்கதைகள் போல் அல்லாமல் வித்தியாசமான கருவை உருவாக்கியிருக்கிறேன். "மைனா' படத்தின் நாயகன் விதார்த் உள்ளிட்ட பலர் இந்தப் படத்தில் நடித்துள்ளனர். கவிஞர்கள் யுகபாரதி, அண்ணாமலை உள்ளிட்டோர் பாடல்களை எழுதியுள்ளனர். வசந்தமணி என்பவர் இசையமைத்துள்ளார். இந்த மாதம் படத்தை ரிலீஸ் செய்ய திட்டமிடப்பட்டுள்ளது'' என்றார் மணிமுத்து.