தயாரிப்பாளர் கலைப்புலி ஜி.சேகரன் காலமானார்!

திரைப்படத் தயாரிப்பாளர் கலைப்புலி ஜி. சேகரன் உடல்நலக் குறைவால் இன்று(ஏப். 13) காலமானார். அவருக்கு வயது 73.

திரைப்படத் தயாரிப்பாளராக மட்டுமில்லாது, திரைப்பட விநியோகஸ்தராகவும் நடிகராகவும் இயக்குநராகவும் பன்முகத் தன்மை கொண்டு விளங்கியவர் கலைப்புலி ஜி. சேகரன். திரைத்துறையில் அனுபவம் வாய்ந்த ஜி.சேகரன், ஊரைத் தெரிஞ்சிகிட்டேன், காவல் பூனைகள், உளவாளி ஆகிய படங்களை இயக்கியுள்ளார்.

சிறிய பட்ஜெட் படங்களுக்கு ஆதரவு அளித்து வந்த ஜி. சேகரன் மறைவு, தமிழ் சினிமாவுக்கொரு பேரிழப்பாக பார்க்கப்படுகிறது. அன்னாரது மறைவுக்கு பல்வேரு தரப்பினரும் இரங்கல் தெரிவித்து வருகின்றனர். அவரது உடல் சென்னை, ராயப்பேட்டையிலுள்ள அவரது இல்லத்தில் அஞ்சலி செலுத்துவதற்காக வைக்கப்பட்டுள்ளது.