2001-ம் வருடம் மின்னலே படத்தில் அறிமுகமான இசையமைப்பாளர் ஹாரிஸ் ஜெயராஜ் தற்போது இசையமைத்துள்ள வனமகன் படம் மூலமாக அரை சதத்தைப் பூர்த்தி செய்துள்ளார்.
பேராண்மை படத்துக்குப் பிறகு மீண்டும் பழங்குடி இனத்தைச் சேர்ந்த இளைஞனாக வனமகன் படத்தில் நடிக்கிறார் ஜெயம் ரவி. இவர் ஜோடியாக சாயிஷா சைகல் நடித்துள்ளார். விஜய் தயாரித்து இயக்கும் வனமகன் படம் இசையமைப்பாளர் ஹாரிஸ் ஜெயராஜின் 50-வது படம். இதன் டிராக் லிஸ்ட் வெளியிடப்பட்டுள்ளது.
ஆரம்பம் முதல் பெரிய நடிகர்கள், இயக்குநர்களின் படங்களுக்கு இசையமைத்து வரும் ஹாரிஸ் ஜெயராஜ் தொடர்ந்து அருமையான பாடல்கள் மூலம் ரசிகர்களை மகிழ்வித்துவருகிறார். இதனால் அவரால் தொடர்ந்து முக்கியமான படங்களுக்கு இசையமைக்க முடிகிறது.
