சூப்பர் ஸ்டார் ரஜினியின் 2.0 மேக்கிங் வீடியோவின் சாதனை!

ஷங்கர் இயக்கத்தில் ரஜினி, அக்ஷய் குமார், எமி ஜாக்ஸன் ஆகியோர் நடிக்கும் 2.0 படத்தின் மேக்கிங் வீடியோ சமீபத்தில் யூ ட்யூப்பில் வெளியானது. இதுவரை கிட்டத்தட்ட 46 லட்சம் பார்வையாளர்களை இக்காணொலி பெற்றுள்ளது. 

மிகவும் பிரம்மாண்டமான பொருட்செலவில் உருவாகி வரும் எந்திரன் படத்தின் இரண்டாம் பாகமான 2.0 பட உருவாக்கம் சார்ந்த வீடியோவை வினாயகர் சதுர்த்தியையொட்டி சமீபத்தில் படக்குழுவினர் வெளியிட்டனர். ஒரு நிமிடம் 47 விநாடிகள் திரையில் ஓடும் இந்தக் காணொலியில் படத்தின் முக்கியமான சண்டைக் காட்சிகள் இடம் பெற்றுள்ளன. 

மேக்கிங் வீடியோ வெளியான இந்த இரண்டு நாட்களிலேயே 46 லட்சத்துக்கும் அதிகமான பார்வையாளர்கள் இந்த வீடியோவைப் பார்த்து ரசித்துள்ளனர். இந்த எண்ணிக்கை இதை எழுதிக் கொண்டிருக்கும் நிமிடத்திலும் கூட அதிகரித்துக் கொண்டே இருக்கும் என்பது குறிப்பிடத்தக்கது. ரஜினி படம் என்றால் மாஸ் என்று ரசிகர்கள் மீண்டும் மீண்டும் நிரூபித்துக் கொண்டிருக்கிறார்கள் என்பது உண்மை.