'ஜிமிக்கி கம்மல்' ஷெரிலுக்கு நிச்சயதார்த்தம் நடைபெற்றது! (படங்கள்)

ஷெரிலுக்கு சமீபத்தில் நிச்சயதார்த்தம் நடைபெற்றுள்ளது. பிரஃபுல் டாமி என்பவருடன் நிச்சயிக்கப்பட்டது குறித்து...

Updated On :11 ஏப்ரல் 2018, 12:11 pm

ஜிமிக்கி கம்மல் பாடல் மூலமாகப் புகழ்பெற்ற ஷெரிலுக்கு விரைவில் திருமணம் நடைபெறவுள்ளது.

மோகன்லால் நடித்த வெளிபாடின்டெ புஸ்தகம் (Velipandinte Pusthakam) என்கிற மலையாளப்படத்தில் இடம்பெற்ற ‘என்டம்மேடெ ஜிமிக்கி கம்மல்’ என்கிற பாடலுக்கு கேரளாவின் ஐஎஸ்சி கல்லூரிப் பெண்கள் சிலர் ஆடிய வீடியோ சமூகவலைத்தளங்களில் அதிகமாகப் பகிரப்பட்டது. கேரளாவை விடவும் தமிழக இளைஞர்களிடையே இப்பாடலும் பெண்களின் நடனமும் அதிகக் கவனம் பெற்றது.

இப்பாடலின் வீடியோவில் நடனமாடிய அக்கல்லூரி ஆசிரியர்களான ஷெரில், அன்னா ஆகிய இருவரும் அதிகம் புகழடைந்தார்கள். இதனால் இவ்விருவரின் பேட்டிகளும் வீடியோக்களும் சமூகவலைத்தளங்களில் அதிகமாக இடம்பெற்றன. இவர்களுக்குப் படவாய்ப்புகளும் வந்தன. சூர்யாவின் தானா சேர்ந்த கூட்டம் படத்தில் இடம்பெற்ற சொடக்கு மேல பாடலில் இடம்பெற்றார் ஷெரில்.

இந்நிலையில் ஷெரிலுக்கு சமீபத்தில் நிச்சயதார்த்தம் நடைபெற்றுள்ளது. பிரஃபுல் டாமி என்பவருடன் நிச்சயிக்கப்பட்டது குறித்து ட்விட்டரில் புகைப்படத்துடன் அறிவித்துள்ளார் ஷெரில். கேரளாவின் தொடுபுழாவில் நிச்சயதார்த்தம் நடைபெற்றுள்ளது.