கருணாநிதி மறைவு: விஜய் நடிக்கும் சர்கார் படப்பிடிப்பு நிறுத்தம்!

திராவிட இயக்கத்தின் மூத்த தலைவரும், 5 முறை தமிழக முதல்வராக இருந்தவரும், திமுக தலைவருமான கருணாநிதி (94) செவ்வாய்க்கிழமை மாலை 6.10 மணியளவில் காலமானார்.

இந்நிலையில் ஏ.ஆர். முருகதாஸ் இயக்கத்தில் விஜய் நடிக்கும் படம் - சர்கார். இப்படத்தின் பெரும்பாலான காட்சிகளின் படப்பிடிப்பு இந்தியாவில் நடைபெற்றுள்ளது. 

சில காட்சிகளையும் ஒரு பாடலையும் படமாக்க படக்குழு தற்போது அமெரிக்காவிலுள்ள லாஸ் வேகாஸ் சென்றுள்ளது. இந்நிலையில் கருணாநிதி மறைவையொட்டி சர்கார் படப்பிடிப்பு தற்போது நிறுத்தப்பட்டுள்ளதாக அதிகாரபூர்வமாக அறிவிக்கப்பட்டுள்ளது.