96 & ராட்சசன் படங்கள்: இயக்குநர் ஷங்கர் பாராட்டு

தனிப்பட்ட முறையில் இந்தப் படத்துடன் உங்களால் ஒன்றிணைய முடியும். அதுதான் இப்படம் செய்யும் மாயம்...

Updated On :15 அக்டோபர் 2018, 4:45 am

விஜய் சேதுபதி, த்ரிஷா நடிப்பில் சி. பிரேம் குமார் இயக்கியுள்ள படம் - 96.

விஷ்ணு விஷால், அமலா பால் நடிப்பில் முண்டாசுப்பட்டி பட இயக்குநர் ராம்குமார் இயக்கத்தில் உருவாகியுள்ள படம் - ராட்சசன். இசை - ஜிப்ரான்.

சமீபத்தில் வெளியான இவ்விரு படங்களையும் பார்த்துவிட்டு, பாராட்டு தெரிவித்துள்ளார் இயக்குநர் ஷங்கர். ட்விட்டரில் அவர் கூறியதாவது:

96 - தனிப்பட்ட முறையில் இந்தப் படத்துடன் உங்களால் ஒன்றிணைய முடியும். அதுதான் இப்படம் செய்யும் மாயம். விஜய் சேதுபதி அற்புதமாக நடித்துள்ளார். த்ரிஷாவைக் காண்பது உற்சாகமாக உள்ளது. பிரேம்குமாருக்கு வாழ்த்துகள்.

ராட்சசன் - இன்னொரு சுவாரசியமான படம். இயக்குநர் ராம்குமாரின் பெயர் வருகிறபோது பார்வையாளர்கள் கைத்தட்டுவதைக் காணும்போது மகிழ்ச்சியாக உள்ளது. அவர் அதற்குத் தகுதியானவர் என இரு படங்களையும் பாராட்டியுள்ளார்.