ராஜா ராணி, தெறி, மெர்சல் ஆகிய படங்களை இயக்கியுள்ள பிரபல இயக்குநர் அட்லி அடுத்ததாக விஜய் கதாநாயகனாக நடிக்கும் பிகில் படத்தை இயக்கி வருகிறார். மெர்சல் படத்துக்குப் பிறகு விஜய் - அட்லி - ஏ.ஆர். ரஹ்மான் இணையும் புதிய படம் குறித்த அதிகாரபூர்வ அறிவிப்பை ஏஜிஎஸ் நிறுவனம் கடந்த வருடம் இறுதியில் வெளியிட்டது. நயன்தாரா, ஜாக்கி ஷெராப், விவேக், யோகிபாபு, கதிர் போன்றோர் இப்படத்தில் நடிக்கிறார்கள். இசை - ஏ.ஆர். ரஹ்மான், ஒளிப்பதிவு - ஜி.கே. விஷ்ணு, பாடல்கள் - விவேக், படத்தொகுப்பு - ரூபன் எல். ஆண்டனி, கலை - முத்துராஜ், சண்டைப் பயிற்சி - அனல் அரசு. ஜனவரி 19 அன்று பூஜை நடைபெற்றது. 2019 தீபாவளிக்கு வெளிவருவதாக அறிவிக்கப்பட்டுள்ளது.
இந்நிலையில் பிகில் படத்துக்காக ரஹ்மான் இசையில் விஜய் பாடிய வெறித்தனம் பாடல் நேற்று வெளியானது. ரஹ்மான் இசையில் விஜய் பாடிய பாடல் என்பதால் சமூகவலைத்தளங்களில் இந்தப் பாடல் அதிகமாகப் பகிரப்பட்டது. இதனால் தற்போது இந்தப் பாடலுக்கு 50 லட்சத்துக்கும் அதிகமான பார்வைகள் யூடியூபில் கிடைத்துள்ளன. இதையடுத்து சர்வதேச அளவில் கவனமும் பெற்றுள்ளது.
கடந்த 24 மணி நேரத்தில் யூடியூபில் உலக அளவில் அதிகம் பார்க்கப்பட்ட 3-வது விடியோ என்கிற சாதனையை இப்பாடல் செய்துள்ளது. குறுகிய கால அளவில் நான்காவது இடத்திலிருந்து தற்போது 3-வது இடத்துக்கு முன்னேறியுள்ளதால் முதல் இடத்தையும் பிடிக்குமா என்கிற ஆவல் ரசிகர்களிடையே ஏற்பட்டுள்ளது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.