மாஸ்டர்: முதலில் வெளியாகவுள்ள விஜய் பாடிய பாடல்!

பிகில் படத்துக்குப் பிறகு மாநகரம் பட இயக்குநர் லோகேஷ் கனகராஜ் இயக்கத்தில் நடித்து வருகிறார் விஜய். இதற்கான அதிகாரபூர்வ அறிவிப்பு கடந்த ஆகஸ்ட் மாதம் வெளியானது. மாஸ்டர் என்று பெயரிடப்பட்டுள்ள இந்தப் படத்துக்கு இசை - அனிருத். ஏப்ரல் மாதம் வெளியாகவுள்ள இப்படத்தில் விஜய், விஜய் சேதுபதி, மாளவிகா மோகனன், சாந்தனு, ஆண்ட்ரியா போன்றோர் நடிக்கிறார்கள். 

இந்நிலையில் பிப்ரவரி 14 அன்று மாஸ்டர் படத்தின் முதல் பாடல் (குட்டிக்கதை) வெளியாகவுள்ளது. மாலை 5 மணிக்கு வெளியாகவுள்ள அந்தப் பாடலை விஜய் பாடியுள்ளார் என்கிற அறிவிப்பு தற்போது தெரிவிக்கப்பட்டுள்ளது.