பிரபல நடிகை ஆலியா பட்டுக்கு கரோனா பாதிப்பு

பிரபல நடிகை ஆலியா பட், கரோனாவால் பாதிக்கப்பட்டுள்ளார்.

இயக்குநர் மகேஷ் பட்டின் மகளான ஆலியா பட், 2012-ல் கரண் ஜோஹர் ஸ்டூடண்ட் ஆஃப் தி இயர் படத்தின் மூலம் கதாநாயகியாக அறிமுகமானார். 2 ஸ்டேட்ஸ், டியர் ஜிந்தகி, ஹைவே, உத்தா பஞ்சாப், ராஸி, கல்லி பாய் போன்ற படங்களில் நடித்துப் புகழ் பெற்றார். 

இந்நிலையில் கரோனாவால் பாதிக்கப்பட்டுள்ளார் ஆலியா பட். இதுபற்றி அவர் கூறியதாவது:

கரோனாவால் நான் பாதிக்கப்பட்டுள்ளேன். உடனடியாக வீட்டில் தனிமைப்படுத்திக் கொண்டுள்ளேன். மருத்துவர்களின் அறிவுரையின் பேரில் அனைத்து வழிமுறைகளையும் பின்பற்றி வருகிறேன். அனைவருடைய அன்புக்கும் ஆதரவுக்கும் நன்றி என்றார்.