96 நடிகை கெளரிக்கு கரோனா பாதிப்பு

96 படத்தில் நடித்த கெளரி கிஷன், கரோனா வைரஸால் பாதிக்கப்பட்டுள்ளார்.

2018-ல் வெளியான 96 படத்தின் மூலம் திரையுலகில் நடிகையாக அறிமுகமானார் கேரளாவைச் சேர்ந்த கெளரி கிஷன். ஜானு கதாபாத்திரத்தின் பள்ளி மாணவியாக நடித்து ரசிகர்களின் பாராட்டைப் பெற்றார். இதன்பிறகு தமிழில் மாஸ்டர், கர்ணன் படங்களில் நடித்துள்ளார்.

சமீபத்தில் கர்ணன் பாடல் வெளியீட்டு விழாவில் கலந்துகொண்ட கெளரி கிஷன், தற்போது கரோனா வைரஸால் தான் பாதிக்கப்பட்டுள்ளதாகத் தகவல் தெரிவித்துள்ளார். அவர் கூறியதாவது:

நான் கரோனாவால் பாதிக்கப்பட்டுள்ளேன். கடந்த ஒரு வாரமாக வீட்டில் தனிமைப்படுத்திக்கொண்டுள்ளேன். மருத்துவர்களின் அறிவுரையைப் பின்பற்றி வருகிறேன். உடல்நலம் தேறி வருவதால் கவலைப்பட ஒன்றுமில்லை. அதுவரை நன்கு ஓய்வெடுத்து உங்களுடைய வாழ்த்துகளைப் படித்து வருவேன் என்று கூறியுள்ளார்.