விஜய் சேதுபதி - மாதவன் நடிப்பில் புஷ்கர் காயத்ரி இயக்கத்தில் உருவான விக்ரம் வேதா படம் 2017-ல் வெளியாகி பெரிய வெற்றியைப் பெற்றது. தயாரிப்பு - சஷிகாந்தின் ஒய்நாட் ஸ்டூடியோஸ். வரலட்சுமி, ஷ்ரத்தா ஸ்ரீநாத் ஆகியோர் கதாநாயகிகளாக நடித்தார்கள். இசை - சாம் சி.எஸ்.
விக்ரம் வேதா படம் ஹிந்தியில் ரீமேக் ஆகிறது. தமிழில் இப்படத்தை இயக்கிய புஷ்கர் காயத்ரி ஆகிய இருவரும் ஹிந்தியிலும் இயக்குகிறார்கள். ஹிர்திக் ரோஷன் - சயிஃப் அலி கான் ஆகிய இருவரும் கதாநாயகர்களாக நடிக்கிறார்கள்.
அடுத்த மாதம் முதல் படப்பிடிப்பு தொடங்குகிறது. 2022 செப்டம்பர் 30 அன்று படம் வெளியாகும் எனத் தகவல்கள் தெரிவித்துள்ளன.