சீனு ராமசாமி இயக்கத்தில் நடிகர் விஜய் சேதுபதி, தமன்னா, ஐஸ்வர்யா ராஜேஷ், ஷ்ருஷ்டி டாங்கே, ராதிகா, ராஜேஷ், எம்.எஸ்.பாஸ்கர், மதுவந்தி உள்ளிட்ட பலர் நடித்து வெளியான படம் தர்மதுரை. விமர்சன ரீதியாகப் பாராட்டுக்களைப் பெற்ற இந்தப் படம் ரசிகர்களையும் பெரிதும் கவர்ந்தது. இந்தப் படத்தின் வெற்றிக்கு யுவனின் பாடல்களும் பின்னணி இசையும் பெரிதும் கைகொடுத்தன.
இந்தப் படத்தில் இடம்பெற்ற எந்தப் பக்கம் காணும்போது பாடலுக்காக பாடலாசிரியர் வைரமுத்து தேசிய விருது பெற்றார். இந்த நிலையில் இந்தப் படத்தின் இரண்டாம் பாகத்துக்கான அறிவிப்பை இந்தப் படத்தின் தயாரிப்பாளர் ஆர்.கே.சுரேஷ் வெளியிட்டார்.
இந்த நிலையில் விஜய் சேதுபதிக்குப் பதிலாக புதிய நடிகர் நடிப்பார் என்றும் அவர் தெரிவித்திருந்தார். இதுகுறித்து விளக்கமளித்த சீனு ராமசாமி தர்மதுரை 2 படத்தை தான் இயக்கப்போவதாக வரும் தகவல்கள் உண்மையில்லை என்று கூறியிருந்தார். இந்த நிலையில் இந்தப் படத்தில் தயாரிப்பாளரும் நடிகருமான ஆர்.கே.சுரேஷ் நடிக்கவிருப்பதாகவும், வேறு இயக்குநர் இந்தப் படத்தை இயக்குவார் என்றும் தகவல் வெளியாகியுள்ளது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.