நடிகர் சூர்யா நடிப்பில் வெளிவந்த 'சூரரைப் போற்று ' படத்திற்கு பின் அவர் கைவசம் முக்கியமான படங்கள் இருப்பதும் அதன் அறிவிப்புகள் அடுத்தடுத்து வருவதும் ரசிகர்களை மகிழ்ச்சி அடையச் செய்திருக்கிறது.
அதில் ஒன்றான 'ஜெய் பீம்' திரைப்படத்தின் அறிவிப்பு சூர்யாவின் பிறந்தநாள் அன்று வெளியானது. இப்படத்தை ஞானவேல் இயக்க, நடிகர் சூர்யா தனது 2டி எண்டர்டெயின்மென்ட் சார்பில் தயாரித்து, வழக்கறிஞராக சிறப்புத் தோற்றத்தில் நடித்துள்ளார். ஷான் ரோல்டன் இந்தப் படத்துக்கு இசையமைக்க, எஸ்.ஆர்.கதிர் ஒளிப்பதிவு செய்துள்ளார்.
மேலும் நடிகர் அருண் விஜய்யின் மகன் நடிகராக இந்தப் படத்தில் அறிமுகமாகிறார் என்கிற தகவலும் வெளியான நிலையில் பெரிதும் எதிர்பார்க்கப் படும் 'ஜெய் பீம்' திரைப்படத்தை இந்தாண்டு நவம்பர் மாதம் வெளியிட முடிவு செய்திருப்பதாக அமேசான் பிரைம் அறிவித்திருக்கிறது.