நடிகர் ரஜினிகாந்த்துடன் இணைந்து நடிக்கும் பிரபல தமிழ் கதாநாயகன் - ரசிகர்களுக்கு இன்ப அதிர்ச்சி கொடுத்த நடிகர்

நடிகர் ரஜினிகாந்த்தின் 'அண்ணாத்த' படத்தில் பிரபல நடிகரும், இயக்குநர் சிவாவின் தம்பியுமான பாலா முக்கிய வேடத்தில் நடிக்கிறார். 

நடிகர் ரஜினிகாந்த் தற்போது 'அண்ணாத்த' படத்தில் நடித்துள்ளார். சன் பிக்சர்ஸ் தயாரிப்பில் சிவா இயக்கத்தில் உருவாகியுள்ள இந்தப் படம் தீபாவளிக்கு வெளியாகும் என அறிவிக்கப்பட்டுள்ளது. 

இந்த நிலையில் 'அண்ணாத்த' படத்தின் இறுதிகட்டப் பணிகள் விறுவிறுப்பாக நடைபெற்று வருகிறது. இந்த நிலையில் 'அன்பு', 'காதல் கிசு கிசு', 'மஞ்சள் வெயில்' உள்ளிட்ட படங்களில் ஹீரோவாக நடித்த பாலா இந்தப் படத்தில் முக்கிய வேடத்தில் நடிக்கிறார். இவர் இயக்குநர் சிவாவின் தம்பி என்பது குறிப்பிடத்தக்கது. 

இதையும் படிக்க | விரைவில் திருமணம்: நடிகை வித்யுலேகா நீச்சல் குளத்தில் தோழிகளுடன் கொண்டாட்டம்

இதுகுறித்து பாலா தனது முகநூல் பக்கத்தில், ''நடிகர் ரஜினிகாந்துடன் நடிப்பது பெருமைக்குரிய தருணம். தற்போது 'அண்ணாத்த' படப்பிடிப்பு லக்னோவில் நடைபெற்று வருகிறது' என்று தெரிவித்தார். 

இதையும் படிக்க | டீக்கடை நடத்தும் நயன்தாரா 

பாலா தமிழ் மட்டுமல்லாமல், மலையாளத்தில் ஏராளமான படங்களில் ஹீரோவாக நடித்துள்ளார். இயக்குநர் சிவா இயக்கத்தில் நடிகர் அஜித் நடித்திருந்த 'வீரம்' படத்தில் அஜித்தின் தம்பியாக நடித்திருந்தார். மேலும், மலையளத்தில் ஒரு படத்தை இயக்கியுள்ளார். கடைசியாக பாலா தமிழில் கார்த்தி, ஜோதிகாவுடன் இணைந்து 'தம்பி' படத்தில் நடித்திருந்தார்.