’பீஸ்ட்’ திரைப்படத்தின் புதிய போஸ்டரை படக்குழு இன்று வெளியிட்டுள்ளது.
விஜய் நடிப்பில் நெல்சன் இயக்கியுள்ள திரைப்படம் பீஸ்ட். இப்படத்தின் மூலம் பூஜா ஹெக்டே விஜய்யுடன் முதல் முறையாக ஜோடி சேர்ந்துள்ளார். மேலும் படத்தில் செல்வராகவன் முக்கிய கதாபாத்திரத்தில் நடித்துள்ளார்.
சன் பிக்சர்ஸ் தயாரித்திருக்கும் படத்துக்கு அனிருத் இசையமைத்துள்ளார்.
ஏற்கெனவே இப்படத்தில் இருந்து 2 பாடல்கள் வெளியாகி நல்ல வரவேற்பை பெற்றுள்ளது. இப்படத்தில் நடிகர் விஜய் உளவுத் துறை அதிகாரியாக நடித்துள்ளதாக தகவல்கள் கசிந்ததால் படத்தின் மீது பெரிய எதிர்பார்ப்பு உள்ளது.
இதையும் படிக்க- ’இலங்கை அரசைக் கலைக்க வேண்டும்’: கூட்டணி கட்சிகள் வலியுறுத்தல்
படம் ஏப்ரல் 13ஆம் தேதி வெளியாகவுள்ள நிலையில் நாளை மாலை 6 மணிக்கு படத்தின் டிரைலர் வெளியாக உள்ளது. இதனை முன்னிட்டு படத்தின் புதிய போஸ்டரை படக்குழு இன்று வெளியிட்டுள்ளது.