மே மாதம் வெளியாகிறது டைட்டானிக் காதலும் கவுந்து போகும் திரைப்படம்

நடிகர்கள் கலையரசன், ஆனந்தி நடித்துள்ள டைட்டானிக் காதலும் கவுந்து போகும் திரைப்படத்தின் வெளியீட்டு தேதியை படக்குழுவினர் அறிவித்துள்ளனர்.

ஜானகிராமன் இயக்கத்தில் நடிகர் கலையரசன் நடித்துள்ள திரைப்படம் டைட்டானிக் காதலும் கவுந்து போகும். சி.வி.குமார் இந்தப் படத்தை தயாரித்துள்ளார். 

இதையும் படிக்க | பாஜகவால் திட்டமிட்டு வெறுப்புணர்வு பரப்பப்படுகிறது: சரத் பவார்

நடிகர்கள் ஆனந்தி, காளி வெங்கட், மதுமிதா, காயத்ரி உள்ளிட்ட பலர் நடித்துள்ள இந்தத் திரைப்படம் மூன்று காதல் கதைகளை மையப்படுத்தி உருவாகியுள்ளது. 
இந்நிலையில் இந்தத் திரைப்படத்தின் வெளியீட்டுத் தேதியை படக்குழு அதிகாரப்பூர்வமாக அறிவித்துள்ளது. 

அதன்படி மே 6ஆம் தேதி திரைப்படம் திரையரங்கில் வெளியாகும் எனத் தெரிவிக்கப்பட்டுள்ளது. இதே நாளில் நடிகரும் தயாரிப்பாளருமான ஆர்.கே.சுரேஷ் நடிப்பில் உருவாகியுள்ள விசித்திரன் திரைப்படமும் வெளியாகிறது என்பது குறிப்பிடத்தக்கது.