வெளியானது தனுஷ் - அனிருத் கூட்டணியின் திருச்சிற்றம்பலம் பட தாய் கிழவி பாடல்

சன் பிக்சர்ஸ் தயாரிப்பில் மித்ரன் ஜவஹர் இயக்கத்தில் தனுஷ் நாயகனாக நடித்துள்ள படம் திருச்சிற்றம்பலம் திரைப்படம். 7 ஆண்டுகளுக்கு பிறகு தனுஷ் - அனிருத் இணைந்துள்ளதால் இந்தப் படத்தின் பாடல்கள் மீது ரசிகர்ககளிடையே எதிர்பார்ப்பு அதிகரித்துள்ளது. 

இந்த நிலையில் இந்தப் படத்தின் தாய் கிழவி பாடல் தற்போது வெளியாகியுள்ளது. பாடலை தனுஷ் எழுதி பாடியுள்ளார். இந்தப் பாடலில் தனுஷ் - நித்யா மேனன் இணைந்து நடனமாடியுள்ளனர். 

இதையும் படிக்க | மாமனிதன் படத்தில் நடித்த சிறுவன் இந்த இயக்குநரின் மகனா ?

திருச்சிற்றம்பலம் படத்தில் பாரதிராஜா, பிரகாஷ் ராஜ், பிரியா பவானி ஷங்கர், நித்யா மேனன், ராஷி கண்ணா, சமுத்திரக்கனி உள்ளிட்டோர் முக்கிய வேடங்களில் நடித்துள்ளனர். இந்தப் படம் வருகிற ஆகஸ்ட் 18 ஆம் தேதி வெளியாகவுள்ளது.