இதுவரை பார்த்திராத ஒரு பீஸ்ட்: இன்னும் 3 மணி நேரத்தில் வெளியீடு

விஜய் நடித்துள்ள பீஸ்ட் திரைப்படத்திலிருந்து இதுவரை வெளியிடாத புகைப்படத்தை இன்னும் 3 மணி நேரத்தில் வெளியிடப்போவதாக சன் பிக்சர்ஸ் அறிவித்துள்ளது.

நெல்சன் இயக்கத்தில் நடிகர் விஜய், பூஜா ஹெக்டே, செல்வராகவன் உள்ளிட்டோர் நடித்துள்ள பீஸ்ட் திரைப்படம் ஏப்ரல் 13-ம் தேதி திரையரங்குகளில் வெளியாகிறது. இந்தப் படம் 5 மொழிகளில் வெளியாவதாக சனிக்கிழமை அறிவிக்கப்பட்டது.

இதையும் படிக்க | வெந்து தணிந்தது காடு திரைப்படத்தில் இணைந்த மலையாள நடிகர்

படத்திலிருந்து ஏற்கெனவே வெளியான இரண்டு பாடல்களும் பெரிதளவில் ஹிட் அடித்துள்ளன. இசை வெளியீட்டு விழா இல்லாததால், ரசிகர்களுக்குப் புதிதாக அப்டேட் கொடுக்க வேண்டிய நிலையில் தயாரிப்பு நிறுவனமான சன் பிக்சர்ஸ் உள்ளது.

பீஸ்ட் படத்துடன் திரையரங்குகளில் கேஎஜிஎஃப் இரண்டாம் பாகமும் வெளியாகிறது. இதன் டிரெய்லர் இன்று (ஞாயிற்றுக்கிழமை) மாலை வெளியாகிறது.

இந்த நிலையில், பீஸ்ட் படத்திலிருந்து இதுவரை வெளிவராத புகைப்படத்தினை இன்னும் 3 மணி நேரத்தில் வெளியிடப்போவதாக சன் பிக்சர்ஸ் அறிவித்துள்ளது.