அஜித் பிறந்த நாள்: ஓபிஎஸ், அண்ணாமலை வாழ்த்து

நடிகர் அஜித் குமார் பிறந்த நாளை முன்னிட்டு அதிமுக ஒருங்கிணைப்பாளர் ஓ. பன்னீர்செல்வம், பாஜக மாநிலத் தலைவர் கே. அண்ணாமலை உள்ளிட்டோர் வாழ்த்து தெரிவித்துள்ளனர்.

நடிகர் அஜித் குமார் இன்று (ஞாயிற்றுக்கிழமை) தனது 51-வது பிறந்தநாளைக் கொண்டாடுகிறார். அவரது பிறந்தநாளை ரசிகர்கள் மட்டுமின்றி திரையுலகப் பிரபலங்களும் கொண்டாடி வருகிறார்கள்.

அதிமுக ஒருங்கிணைப்பாளர் ஓ. பன்னீர்செல்வம், தமிழக பாஜக மாநிலத் தலைவர் கே. அண்ணாமலை ஆகியோர் அவருக்கு வாழ்த்து தெரிவித்துள்ளனர்.

இதையும் படிக்க | அஜித்தை ‘தல’ அந்தஸ்துக்கு உயர்த்திய 10 படங்கள்

ஓபிஎஸ் வாழ்த்து:

"உழைப்பின் மேன்மையை உலகிற்கு உணர்த்திய மே தின நாளன்று பிறந்து, உழைப்பால் உயர்ந்து, பல கோடி ரசிகர்களின் உள்ளங்களை கொள்ளை கொண்ட திரைப்பட நடிகர் திரு. அஜித்குமார் அவர்களுக்கு எனது இனிய பிறந்தநாள் நல்வாழ்த்துகள்!"

அண்ணாமலை வாழ்த்து:

"பன்முகத் தன்மையும், தனக்கென்று தனி பாதையை தேர்ந்தெடுத்து அதில் பயணம் செய்து கொண்டிருக்கும் நடிகர் அஜித் குமார் அவர்களுக்கு இனிய பிறந்தநாள் வாழ்த்துக்கள்!

எல்லாம் வல்ல இறைவன் நல்ல ஆரோக்கியத்தையும் மனநிம்மதியையும் அவருக்கு கொடுக்க வேண்டுகின்றேன்."