களத்தில் சந்திப்போம் திரைப்படத்தின் கூட்டணி மீண்டும் இணைந்துள்ளது ரசிகர்களிடையே பெரும் எதிர்பார்ப்பைக் கிளப்பியுள்ளது.
நடிகர்கள் ஜீவா, அருள்நிதி, பிரியா பவானி சங்கர், மஞ்சிமா மோகன் உள்ளிட்ட பலர் நடித்த திரைப்படம் களத்தில் சந்திப்போம். இயக்குநர் ராஜசேகர் இயக்கிய இந்தத் திரைப்படம் 2021ஆம் ஆண்டு வெளியாகி நல்ல வரவேற்பைப் பெற்றது.
இந்நிலையில் இயக்குநர் ராஜசேகர் நடிகர் ஜீவா மீண்டும் இணைய உள்ளனர். களத்தில் சந்திப்போம் திரைப்படத்திற்கு பிறகு நடிகர் ஜீவா, இயக்குநர் ராஜசேகர் கூட்டணி மீண்டும் இணைய உள்ளது ரசிகர்களிடையே எதிர்பார்ப்பைக் கிளப்பியுள்ளது.
இதையும் படிக்க | விக்ரம் படத்தின் புதிய போஸ்டர் வெளியீடு
நடிகர் அஜித்குமார் திரைப்படத்திற்கு இசையமைத்துவரும் இசையமைப்பாளர் ஜிப்ரான் இந்தப் படத்திற்கு இசையமைக்கிறார். படப்பிடிப்பிற்கான பணிகள் தொடங்கியுள்ள நிலையில் முக்கிய கதாபாத்திரங்களுக்கான தேர்வும் நடைபெற்று வருகிறது.
இந்தத் திரைப்படத்தை MIK புரொடக்ஷன்ஸும் 7 Miles per Second நிறுவனமும் இணைந்து தயாரிக்கின்றன.