தீபாவளியை முன்னிட்டு பொன்னியின் செல்வன் சேலை விற்பனைக்கு வந்துள்ளது.
பொதுவாக பிரபல நடிகர்களின் உருவம் பொறித்த உடைகள் விற்பனைக்கு வருவது வழக்கம். அதனை அந்தந்த நடிகர்களின் ரசிகர்கள் வாங்கி பெருமையுடன் அணிவர். சக்தி மான் தொடர் பிரபலமாக இருந்த காலக்கட்டத்தில் அந்த உடையும் கடைகளில் விற்பனைக்கு வந்தது.
அந்த வகையில் தற்போது தீபாவளியை முன்னிட்டு பொன்னியின் செல்வன் சேலை விற்பனைக்கு வந்துள்ளது. இந்த சேலையில் பொன்னியின் செல்வன் நடிகர்களின் படங்கள், மற்றும் வாள் போன்றவை இடம்பெற்றுள்ளது.
இதையும் படிக்க | வழிகிற தேவனும் சாக்லேட் வர்மனும் - யாருடைய பொன்னியின் செல்வன் இவன்?
பொன்னியின் செல்வன் சேலை இணையதளங்களில் வைரலாகி வருகிறது. இதன் விலை ரூ.2100 என்று கூறப்படுகிறது.
பொன்னியின் செல்வன் திரைப்படம் ரசிகர்களின் பேராதரவுடன் திரையரங்குகளில் ஓடிக்கொண்டிருக்கிறது. இதனை முன்னிட்டு இந்த வாரம் வெளியாகவிருந்த படங்களின் வெளியீடு தள்ளி வைக்கப்பட்டுள்ளது. இதுவரை ரூ.300 கோடிக்கும் அதிகமாக பொன்னியின் செல்வன் வசூலித்துள்ளதாக அறிவிக்கப்பட்டுள்ளது.