இந்திய கிரிக்கெட் அணியின் பிரபல வீரரான தமிழகத்தைச் சேர்ந்த நடராஜனின் வாழ்க்கை திரைப்படமாகவுள்ளதாக தகவல் வெளியாகியுள்ளது.
சேலம் சின்னப்பம்பட்டியில் பிறந்து இந்திய அணியின் வேகப்பந்து வீச்சாளராக விளையாடிவருபவர் நடராஜன்.
தற்போது, காயம் காரணமாக அணியில் இடம்பெறாமல் இருக்கிறார்.
இதையும் படிக்க: ’சூர்யா 42’ முதல்கட்ட படப்பிடிப்பு நிறைவு
இந்நிலையில், ஏழ்மையிலிருந்து ஐபிஎல், இந்திய அணி வரை உயர்ந்த நடராஜனின் வாழ்க்கை வரலாறு திரைப்படமாகவுள்ளதாகவும் அவருடைய கதாபாத்திரத்தில் நடிகர் சிவகார்த்திகேயன் நடிக்க உள்ளதாகவும் தகவல் வெளியாகியுள்ளது.
சில மாதங்களுக்கு முன் நடராஜனை சிவகார்த்திகேயன், சதீஷ், யோகி பாபு உள்ளிட்டோர் சந்தித்திருந்த நிலையில் இந்தத் தகவல் வெளியாகியுள்ளது.
முன்னதாக, சிவகார்த்திகேயன் தயாரிப்பில் மகளிர் கிரிக்கெட்டை முன்வைத்து ‘கனா’ திரைப்படம் வெளியாகி நல்ல வரவேற்பைப் பெற்றிருந்தது குறிப்பிடத்தக்கது.