வெளியானது அசோக் செல்வன் - பிரியா பவானி ஷங்கரின் 'ஹாஸ்டல்' டிரெய்லர்

அசோக் செல்வன் - பிரியா பவானி ஷங்கர் இணைந்து நடித்துள்ள ஹாஸ்டல் படத்தின் டிரெய்லர் வெளியானது 

மலையாளத்தில் வெற்றிபெற்ற 'அடி கேப்யாரே கூட்டமணி' படத்தின் தமிழ் ரீமேக்காக உருவாகியிருக்கிறது 'ஹாஸ்டல்'. இந்தப் படத்தில் அசோக் செல்வன், பிரியா பவானி ஷங்கர், சதிஷ் உள்ளிட்டோர் முக்கிய வேடங்களில் நடித்துள்ளனர். 

டிரைடென்ட் ஆர்ட்ஸ் நிறுவனம் சார்பாக ரவீந்திரன் தயாரித்துள்ள இந்தப் படத்தை சுமந்த் ராதாகிருஷ்ணன் இயக்கியுள்ளார். பாபோ சசில் இந்தப் படத்துக்கு இசையமைக்க, அப்சர் இந்தப் படத்துக்கு ஒளிப்பதிவு செய்துள்ளார். 

இதையும் படிக்க | சூர்யா படத்தைக் காண விருப்பம் தெரிவித்த தென்னாப்பிரிக்க கிரிக்கெட் வீரர் - சூர்யா நெகிழ்ச்சி

இந்தப் படம் வருகிற 28 ஆம் தேதி திரையரங்குகளில் வெளியாகவுள்ளது. இந்த நிலையில் இந்தப் படத்தின் டிரெய்லர் தற்போது வெளியாகியுள்ளது. ஆண்கள் கல்லூரி விடுதியில் பெண் ஒருவர் நுழைந்தால் என்னவாகும் என்பதுதான் இந்தப் படத்தின் கதை என்று கூறப்படுகிறது.