தமிழக அரசின் தலைமைச் செயலர் வெ.இறையன்பு புதுமுகங்கள் நடிக்கும் புதிய திரைப்படத்திற்கு பாடல்கள் எழுதியுள்ளார்.
இந்திய ஆட்சிப் பணியில் பாராட்டுக்களைப் பெற்ற ஆட்சியரான வெ.இறையன்பு தற்போது தமிழக அரசின் தலைமைச் செயலாளராக பணியாற்றி வருகிறார்.
இதையும் படிக்க: பாலா இயக்கத்தில் அருண் விஜய்?
ஆட்சிப் பணியைத் தாண்டி சுயமுன்னேற்றம், தன்னம்பிக்கை ஆகிய பிரிவுகளில் 100-க்கும் மேற்பட்ட புத்தகங்களை எழுதியுள்ளார். குறிப்பாக, இவரின் ‘உலகை உலுக்கிய வாசகங்கள்’, ‘போர் தொழில் பழகு’ போன்றவை முக்கியமான நூல்களாக கருதப்படுகின்றன.
இந்நிலையில், ஓம் ஜெயம் தியேட்டர் தயாரிப்பில் ரிஷி, சிங்கமுத்து உள்ளிட்டோர் நடிப்பில் உருவாகிவரும் ‘பியூட்டி’ என்கிற திரைப்படத்திற்கு இறையன்பு 2 பாடல்களை எழுதியுள்ளதாக அப்படத்தின் இயக்குநர் ஆனந்த் தெரிவித்துள்ளார்.