நடிகர் விஜய் நடித்துள்ள பீஸ்ட் திரைப்படத்தின் முக்கிய தகவல் இன்று வெளியாகும் என சன் பிக்சர்ஸ் நிறுவனம் அறிவித்திருந்தது. இதனையடுத்து ட்விட்டரில் பீஸ்ட் அப்டேட், பீஸ்ட் முதல் பாடல் போன்ற ஹேஷ்டேக்குகள் டிரெண்டாகி வருகின்றன.
இந்த நிலையில் தற்போது பீஸ்ட் படத்தின் முதல் பாடல் ப்ரமோ வெளியாகியுள்ளது. இந்தப் ப்ரமோவில் நடிகர் சிவகார்த்திகேயன், அனிருத், நெல்சன் ஆகியோர் பங்கேற்றுள்ளனர். அரபிக் குத்து என்ற முறையில் இந்தப் பாடல் உருவாகியுள்ளது. இந்தப் பாடலை சிவகார்த்திகேயன் எழுதியுள்ளார். டாக்டர் படம் போல இந்தப் படத்தின் பாடல் ப்ரமோவும் மிகப்பெரிய வரவேற்பைப் பெரும் என்று எதிர்பார்க்கப்படுகிறது.
இதையும் படிக்க | மீண்டும் சின்னத்திரையில் களமிறங்கும் நடிகர் விஜயகுமார்
நெல்சன் இயக்கத்தில் உருவாகியுள்ள இந்தப் படத்தில் விஜய்க்கு ஜோடியாக பூஜா ஹெக்டே நடித்துள்ளார். அனிருத் இந்தப் படத்துக்கு இசையமைக்க, மனோஜ் பரமஹம்சா ஒளிப்பதிவு செய்துள்ளார். இந்த வருடத்தில் மிகவும் எதிர்பார்க்கப்படும் படங்களில் பீஸ்ட் படம் மிக முக்கியமானது