'விஜய்யின் மகன் இயக்கத்தில் நடிக்கத் தயார்': துருவ் விக்ரம் அதிரடி

விஜய்யின் மகன் இயக்கத்தில் நடிக்கத் தயார் என துருவ் விக்ரம் தெரிவித்தார். 
'விஜய்யின் மகன் இயக்கத்தில் நடிக்கத் தயார்': துருவ் விக்ரம் அதிரடி

விக்ரம் - துருவ் இணைந்து நடித்த மகான் திரைப்படம் நேற்று (பிப்ரவரி 10) அமேசான் பிரைம் ஓடிடி தளத்தில் வெளியாகி கலவையான விமர்சனங்களைப் பெற்று வருகிறது. 

இந்த நிலையில் மகான் குறித்து பிரபல யூடியூப் தளத்துக்கு துருவ் பேட்டியளித்திருந்தார். அதில், நடிகர் விஜய்யின் மகன் சஞ்சயும் நானும் சிறுவயதிலிருந்தே நல்ல நண்பர்கள். அவர் நல்ல கதையுடன் வந்தால் அதில் நடிக்க, நான் தயார். ஹிந்திப் படங்களைப் போல இரு நடிகர்களின் வாரிசுகள் இணையும் படமாக அது இருக்கும் என்று தெரிவித்தார். 

கார்த்திக் சுப்புராஜ் இயக்கத்தில் உருவாகியிருந்த மகான் திரைப்படத்தில் நடிகர் விக்ரம் மற்றும் துருவ்வின் நடிப்பு வெகுவாக பாராட்டுக்களைப் பெற்று வருகிறது. சந்தோஷ் நாராயணன் இசையமைக்க, ஸ்ரேயாஸ் கிருஷ்ணா இந்தப் படத்துக்கு ஒளிப்பதிவு செய்திருந்தார். 

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com