விக்னேஷ் சிவன் தற்போது தனது இன்ஸ்டாகிராம் பக்கத்தில் விடியோ ஒன்றை பகிர்ந்துள்ளார். அதில் நயன்தாரா அவருக்கு பூங்கொத்துடன் காதலர் தின வாழ்த்து சொல்கிறார். அந்தப் பதிவில், முதல் முறையைப் போல, அவள் வந்து பூங்கொத்து தந்தாள். அனைவருக்கும் காதலர் தின வாழ்த்துகள். காத்துவாக்குல ஒரு காதல் என்று குறிப்பிட்டுள்ளார்.
விக்னேஷ் சிவன் இயக்கத்தில் விஜய் சேதுபதி, நயன்தாரா, சமந்தா நடித்துள்ள காத்து வாக்குல ரெண்டு காதல் படத்தின் டீசர் வெளியான ஒரே நாளில் 1 கோடி பார்வையாளர்களைப் பெற்றது. இந்தப் படத்தின் பாடல்கள் ஏற்கனவே வைரலாகி வருவது குறிப்பிடத்தக்கது.
இதையும் படிக்க | மாதவனின் 'ராக்கெட்ரி' திரைப்படத்தின் வெளியீட்டு தேதி அறிவிப்பு
காத்துவாக்குல ரெண்டு காதல் திரைப்படம் வருகிற ஏப்ரல் 28 ஆம் தேதி திரைக்கு வரவிருக்கிறது. செவன் ஸ்கிரீன் ஸ்டுடியோஸ் சார்பாக இந்தப் படத்தை லலித் குமார் தயாரித்துள்ளார். நானும் ரௌடி தான் படத்துக்கு பிறகு விக்னேஷ் சிவனுடன் விஜய் சேதுபதி, நயன்தாரா இணைந்திருப்பதால் இந்தப் படத்தின் மீதான எதிர்பார்ப்பு அதிகரித்துள்ளது.