பிரபல நடன இயக்குநர் பிருந்தா முதன்முறையாக இயக்கியிருக்கும் படம் ஹே சினாமிகா. இந்தப் படத்தில் துல்கர் சல்மான் நாயகனாக நடிக்க, காஜல் அகர்வால், அதிதி ராவ் ஹைதாரி நாயகிகளாக நடித்துள்ளனர்.
மேலும் நட்சத்திரா, மிர்ச்சி விஜய் உள்ளிட்டோர் முக்கிய வேடங்களில் நடித்துள்ளனர். ஜி ஸ்டுடியோஸ் தயாரித்துள்ள இந்தப் படம் வருகிற மார்ச் 3 ஆம் தேதி திரைக்குவரவிருக்கிறது. இந்தப் படத்துக்கு கோவிந்த் வசந்தா இசையமைத்துள்ளார்.
இந்தப் படத்தின் டிரைலர் தற்போது வெளியாகியுள்ளது. இந்தப் படத்துக்கு பாடலாசிரியர் கார்கி, கதை, திரைக்கதை வசனம் எழுதியுள்ளார். கண்ணும் கண்ணும் கொள்ளையடித்தால் படத்துக்கு பிறகு துல்கர் சல்மான் நடிக்கும் நேரடி தமிழ் படம் என்பதால் இந்தப் படத்தின் மீதான எதிர்பார்ப்பு அதிகரித்துள்ளது.