இயக்குநர் விக்னேஷ் சிவன் வலிமை படம் குறித்து தனது கருத்துக்களை அவரது ட்விட்டர் பக்கத்தில் பகிர்ந்துள்ளார். அவரது பதிவில், சமூக பொறுப்புடன் கூடிய இயக்குநரும் முன்மாதிரியான நடிகரும் இணைந்து பிரம்மாண்டமான காட்சிகளுடன் முக்கியமான கருத்துக்களையும் சொல்லியிருக்கின்றனர்.
இதுவரை பார்த்திராத சண்டைக் காட்சிகள். உண்மையான சண்டைக்காட்சிகள் மற்றும் ஒவ்வொரு காட்சியிலும் கடின உழைப்பு ஆகியவை ரசிகர்கள் மீது அவர்கள் வைத்திருக்கும் அன்பைக் காட்டுகிறது.
நம் மறந்த அடிப்படை விஷயங்கள், நம் மதிப்புகள் ஆகியவை படத்தின் அடிப்படையான விஷயம். அது மக்களுக்கு நன்றாக சென்று சேர்ந்திருக்கிறது.
பொறுப்புணர்வுடன் கூடிய உயர்தரமான சண்டைக்காட்சிகள் நிறைந்த படத்தை வழங்கியதற்காக படக்குழுவினருக்கு பாராட்டுக்கள். நடிகர் அஜித், வினோத், போனி கபூர், யுவன் ஆகியோருக்கு என் வாழ்த்துகள் என்று குறிப்பிட்டுள்ளார்.