பிக் பாஸ் வீட்டிற்குள் பிரபல நடிகர் சரத் குமார் வருவது போன்ற ப்ரோமோ காட்சிகள் தற்போது வெளியாகியுள்ளது.
பிரபல தமிழ் தொலைக்காட்சியில் ஒளிபரப்பாகி வரும் தமிழ் பிக் பாஸ் சீசன் 5 முடிவடைய இன்னும் ஒரு வாரம் மட்டுமே இருக்கின்றது.
இந்த நிகழ்ச்சியில், டிக்கெட் டூ பைனல் போட்டியில் வெற்றி பெற்ற அமீர் நேரடியாக பைனலுக்கு முன்னேறியுள்ளார். மீதமுள்ள 6 போட்டியாளர்களில் 4 பேர் மட்டுமே பைனலுக்கு செல்வது வழக்கம்.
இந்நிலையில், இந்த வார எலிமினேசன் போட்டியில் 6 பேரும் உள்ளனர். இதில், இரண்டு பேர் வெளியேறுவார்கள் என எதிர்பார்க்கப்படுகிறது.
இன்றைய ப்ரோமோ தற்போது வெளியாகியுள்ளது. இதில், பிரபல நடிகர் சரத் குமார் பிக் பாஸ் வீட்டிற்குள் வருகிறார்.
அவர் கையில் உள்ள சூட்கேஸில், ரூ. 3 லட்சத்திற்கான பரிசுத் தொகை இருக்கின்றது. இந்த பரிசுத் தொகையை பெற்றுக் கொண்டு தற்போதே யாரேனும் வெளியேற விரும்பினால், வெளியேறலாம் எனத் தெரிவிக்கின்றார்.
முந்தைய சீசன்களில் கேப்ரில்லா, கவின் உள்ளிட்டோர் பரிசுத் தொகையை பெற்றுக் கொண்டு வெளியேறியது குறிப்பிடத்தக்கது.