இயக்குநர் வெங்கட் பிரபு குறித்து நடிகர சிவகார்த்திகேயன் பேசும் விடியோ இணையதளங்களில் டிரெண்டாகி வருகிறது. ஒரு விடியோவில் பேசும் சிவகார்த்திகேயன், வெங்கட் பிரபுவிடம் நடிப்பதற்கு வாய்ப்பு கேட்டு சென்ற அனுபவங்களைப் பகிர்ந்துகொண்டார்.
கனா பட இசை வெளியீட்டு விழாவில் பேசும் சிவகார்த்திகேயன், அற்புதமான நட்புகள் சேர்ந்தா வெற்றிகள் குமியுமடா என்ற இயக்குநர் வெங்கட் பிரபுவின் சென்னை 28 பட பாடலை குறிப்பிட்டு பேசுகிறார்.
இதனை முழுமையான விடியோவாக இணைத்து இயக்குநர் வெங்கட் பிரபு மற்றும் சிவகார்த்திகேயன் இருவரும் இணைந்து ஒரு படத்தில் பணிபுரிய வேண்டும் என்ற ஆவலை ரசிகர்கள் பகிர்ந்து வருகின்றனர்.
இதனை வெங்கட் பிரபுவின் தம்பியும் நடிகருமான பிரேம்ஜியும் பகிர்ந்துள்ளார். அவரது பதிவிலும் ரசிகர்கள் தங்களின் ஆசையைப் பகிர்ந்து வருகின்றனர். வெங்கட் பிரபுவின் மாநாடு, சிவகார்த்திகேயனின் டாக்டர் படங்கள் கடந்த ஆண்டு இறுதியில் வெளியாகி அந்த ஆண்டின் மிகப்பெரிய வெற்றி படமாக அமைந்தது குறிப்பிடத்தக்கது.