தேசிய விருது நாயகன் சூர்யாவுக்கு நடிகர் ரஜினிகாந்த் வாழ்த்து   

சூரரைப் போற்று படத்திற்காக தேசிய விருது பெற்றிருக்கும் சூர்யாவுக்கு நடிகர் ரஜினிகாந்த் வாழ்த்து தெரிவித்துள்ளார்.

தில்லியில் 68-ஆவது தேசிய திரைப்பட விருதுகள் வெள்ளிக்கிழமை அறிவிக்கப்பட்டன. இந்த ஆண்டு 30 மொழிகளில் இருந்து 305 திரைப்படங்களும் (28 பிரிவுகள்), 28 மொழிகளில் 148 ஆவணப் படங்களும் (22 பிரிவுகள்) தேசிய விருதுக்குப் போட்டியிட்டன.  இதில் 9 பிரிவுகளில் 10 தேசிய விருதுகளை தமிழ் திரைப்படங்கள் தட்டிச் சென்றுள்ளன. 

இதையும் படிக்க- புந்தேல்கண்ட் சாலை சேதம்: பிரதமர் மோடி திறந்துவைத்த சாலைக்கே இந்த நிலையா?

குறிப்பாக சூர்யா நடிப்பில் வெளியான சூரரைப் போற்று படத்துககு 5 தேசிய விருதுகள் கிடைத்துள்ளன. அந்தப் படத்தில் நடித்த சூா்யா சிறந்த நடிகராகவும் அபா்ணா பாலமுரளி சிறந்த நடிகையாகவும் தேசிய விருதுக்கு தோ்வு செய்யப்பட்டுள்ளனா். இந்த நிலையில் சூரரைப் போற்று படத்திற்காக தேசிய விருது பெற்றிருக்கும் சூர்யாவுக்கு நடிகர் ரஜினிகாந்த் வாழ்த்து தெரிவித்துள்ளார். 

இதுகுறித்து ரஜினிகாந்த் தனது ட்விட்டர் பதிவில், தேசிய திரைப்பட விருது பெற்றிருக்கும் சூர்யாவுக்கும், சூரரைப் போற்று பட இயக்குநர் மற்றும் விருது பெறும் திரையுலகக் கலைஞர்கள் அனைவருக்கும் என்னுடைய மனமார்ந்த வாழ்த்துகளும், பாராட்டுகளும். இவ்வாறு அவர் குறிப்பிட்டுள்ளார்.