''அன்றைய சரித்திரம்... '' - உதயநிதி பட அறிவிப்பு விடியோவை வெளியிட்ட கமல்

ராஜ்கமல் ஃபிலிம்ஸ் தயாரிப்பில் உதயநிதி ஸ்டாலின் நடிக்கவுள்ள நிலையில், அறிவிப்பு விடியோவை கமல் வெளியிட்டுள்ளார்.  

கமல்ஹாசனின் படங்களை மட்டுமல்லாமல் பிற நடிகர்களின் படங்களையும் ராஜ்கமல் ஃபிலிம்ஸ் இண்டர்நேஷனல் நிறுவனம் தயாரித்துவருகிறது. சத்யராஜ், மாதவன், விக்ரம் போன்ற நடிகர்கள் ராஜ்கமல்ஃபிலிம்ஸ் நிறுவனம் தயாரித்துள்ள படங்களில் நாயகர்களாக நடித்துள்ளார்கள். 

தற்போது ராஜ்கமல் ஃபிலிம்ஸ் இண்டர்நேஷனல் நிறுவனம் தயாரிக்கும் படத்தில் சிவகார்த்திகேயன் நாயகனாக நடிக்கவிருக்கிறார். இந்தப் படத்தை ராஜ்குமார் பெரியசாமி இயக்குகிறார். 

இதையும் படிக்க வெளியானது தனுஷின் 'வாத்தி' பட முதல் பார்வை - டீசர் ?

இதன் ஒரு பகுதியாக ரெட் ஜெயண்ட் மூவிஸ் நிறுவனம் 15வது ஆண்டில் அடியெடுத்துவைப்பதை கொண்டாடும் வகையில் சமீபத்தில் நிகழ்ச்சி ஒன்று நடைபெற்றது. இதில் உதயநிதி ஸ்டாலின் நடிக்கும் படத்தை ராஜ்கமல் ஃபிலிம்ஸ் நிறுவனம் தயாரிக்கவிருப்பதாக கமல் அறிவித்திருந்தார். 

இந்த நிலையில் இந்தப் படத்தின் அறிவிப்பு விடியோவை கமல்ஹாசன் வெளியிட்டு, அன்றைய சரித்திரம், மீண்டும் அதை நினைவுறுத்துவோம்! தம்பி உதயநிதியை  வாழ்த்தி வரவேற்கிறேன். என்று குறிப்பிட்டுள்ளார்.