கார்த்தியின் 'சர்தார்' பட வெளியீட்டு உரிமையைக் கைப்பற்றிய உதயநிதி

கார்த்தி நடித்துள்ள 'சர்தார்' படத்தின் தமிழக வெளியீட்டு உரிமையை உதயநிதி ஸ்டாலினின் ரெட் ஜெயண்ட் மூவிஸ் நிறுவனம் கைப்பற்றியுள்ளது. 

இரும்புத்திரை, ஹீரோ படங்களுக்கு பிறகு இயக்குநர் பி.எஸ்.மித்ரன் இயக்கியுள்ள  படம் சர்தார். இந்தப் படத்தில் நடிகர் கார்த்தி அப்பா - மகன் என இரட்டை வேடங்களில் நடித்துள்ளார். பிரின்ஸ் பிக்சர்ஸ் நிறுவனம் இந்தப் படத்தை தயாரித்துள்ளது. 

இதையும் படிக்க | சமீபத்தில் வெளியான படத்தைப் பார்த்து கண்ணீர் வடித்த கர்நாடக முதல்வர்

இந்தப் படம் தீபாவாளியை முன்னிட்டு திரைக்குவரவிருக்கிறது. இந்த நிலையில் இந்தப் படத்தின் தமிழக வெளியீட்டு உரிமையை உதயநிதி ஸ்டாலினின் ரெட் ஜெயண்ட் மூவிஸ் நிறுவனம் கைப்பற்றியுள்ளது. 

இந்தப் படத்தில் கார்த்திக்கு ஜோடியாக ராஷி கண்ணா மற்றும் ரஜிஷா விஜயன் நடித்துள்ளனர். ஜி.வி.பிரகாஷ் இந்தப் படத்துக்கு இசையமைக்க, ஜார்ஜ் சி வில்லியம்ஸ் ஒளிப்பதிவு செய்துள்ளார்.