திரையரங்குகளில் விக்ரம் திரைப்படம் வெற்றிகரமாக ஓடிக்கொண்டிருக்கும் நிலையில் ஓடிடியில் வெளியாகும் நாள் குறித்து தகவல் கிடைத்துள்ளது.
கமல்ஹாசனின் விக்ரம் படம் 3 வாரங்களைக் கடந்தும் வெற்றிகரமாக ஓடிக்கொண்டிருக்கிறது. இந்தப் படம் ரு.350 கோடி வசூலித்துள்ளதாக கூறப்படுகிறது. விரைவில் இந்தப் படம் ரூ.500 கோடி வசூலிக்கும் என்று எதிர்பார்க்கப்படுகிறது.
இந்த நிலையில் இந்தப் படம் வருகிற ஜூலை 8 ஆம் தேதி டிஸ்னி பிளஸ் ஹாட்ஸ்டார் ஓடிடி தளத்தில் நேரடியாக வெளியாகும் என்று தகவல் கிடைத்துள்ளது. ஓடிடி நிறுவனத்துடன் மேற்கொண்ட ஒப்பந்தத்தின் படி படம் வெளியான 28 நாட்களில் ஓடிடியில் வெளியிடப்படும். விக்ரம் படத்துக்கு கிடைத்த வாரம் தள்ளி ஜூலை 8 ஆம் தேதி ஓடிடியில் வெளியாகிறது.
இதையும் படிக்க | விஜயகாந்துக்கு காலில் 3 விரல்கள் அகற்றப்பட்டதாக தகவல்
திரையரங்குகளில் மக்களின் ஆதரவு கிடைத்துவரும் நிலையில் அதற்குள் ஓடிடியில் வெளியாகவிருப்பது ரசிகர்களை அதிர்ச்சிக்குள்ளாக்கியுள்ளது. விக்ரம் திரைப்படம் தனக்கு லாபகரமான படமாக அமைந்துள்ளதாக விக்ரம் படத்தின் வெற்றிவிழாவில் உதயநிதி ஸ்டாலின் பேசினார்.