விஜயகாந்துக்கு கால் விரல் அகற்றம்

நீரிழிவு பிரச்னையால் தேமுதிக தலைவர் விஜயகாந்த்திற்கு வலது கால் விரல் அகற்றப்பட்டுள்ளது. 

நடிகரும் தேமுதிகவின் தலைவருமான விஜயகாந்த் கடந்த சில ஆண்டுகளாக உடல் நலக்குறைவால் தீவிர அரசியலில் இருந்து விலகி இருக்கிறார். அவ்வப்போது அவரது பெயரில் அறிக்கைகள் மட்டும் வெளியாகி வந்தன. 

நீண்ட இடைவேளைக்கு பிறகு மழை பிடிக்காத மனிதன் என்ற படத்தில் விஜயகாந்த் நடித்திருப்பதாக தகவல் வெளியானது. ஆனால் அவர் படத்தில் நடிக்கவில்லை எனவும், அவரது இருப்பு படத்தில் இருக்கும்  எனவும் இயக்குநர் விஜய் மில்டன் தெரிவித்திருந்தார். 

இதையும் படிக்க | பெண்ணைப் பற்றிய வதந்தி என்றால்...' - நாக சைதன்யா குறித்து தன் மீது வைக்கப்பட்ட குற்றச்சாட்டுக்கு சமந்தா பதிலடி​

விஜயகாந்த் அவ்வப்போது மருத்துவ பரிசோதனைக்காக மருத்துவமனையில் அனுமதிக்கப்படுவது வழக்கம். இதன் ஒரு பகுதியாக விஜயகாந்த்தின் கால் விரல்கள் அகற்றப்பட்டதாக தகவல் பரவியது. 

இந்த நிலையில் தேமுதிக சார்பில் வெளியிடப்பட்டுள்ளஅறிக்கையில், நீண்ட ஆண்டுகளாக இருக்கும் நீரிழிவு பிரச்னையால் தேமுதிக தலைவர் விஜயகாந்தின் வலது காலில் உள்ள விரல் பகுதியில் ரத்த ஓட்டம் சீராக இல்லாததால் மருத்துர்களின் ஆலோசனைப் படி விரல் அகற்றப்பட்டது. 

மருத்துவர்களின் ஆலோசனைப் படி தொடர்ந்து கேப்டனுக்கு மருத்துவ சிகிச்சை அளிக்கப்பட்டு வருகிறது. சிகிச்சை முடிந்து ஓரிரு நாட்களில் கேப்டன் விஜயகாந்த் வீடு திரும்புவார். மேலும் கேப்டன் உடல்நிலை குறித்து சமூக வலைதலங்களில் பரவும் பொய்யானல வதந்திகளை கழ நிர்வாகிகள், தொண்டர்கள் மற்றும் பொதுமக்கள் யாரும் நம்ப வேண்டாம் என்று குறிப்பிட்டுள்ளது.