நடிகர்கள் விஷால் மற்றும் எஸ்.ஜே.சூர்யா நடிக்கும் மார்க் ஆண்டனி திரைப்படத்தின் படப்பிடிப்பு வியாழக்கிழமை தொடங்கியது.
இயக்குநர் ஆதிக் ரவிச்சந்திரன் இயக்கும் மார்க் ஆண்டனி திரைப்படத்தில் நடிகர் விஷால் நடிக்கிறார். மாநாடு படத்திற்குப் பிறகு நடிகர் எஸ்.ஜே.சூர்யா இந்தப் படத்தில் வில்லனாக நடிக்கிறார்.
இதையும் படிக்க | 3 வாரங்களில் 7 மாநிலங்களுக்கு சுற்றுப்பயணம் செய்யும் அமித்ஷா
இந்நிலையில் இந்தத் திரைப்படத்தின் முதற்கட்ட படப்பிடிப்பு இன்று தொடங்கியது. இதில் நடிகர் விஷால் கலந்து கொண்டுள்ளார்.
மினி ஸ்டுடியோஸ் சார்பாக எஸ்.வினோத் குமார் தயாரித்துள்ள இந்தப் படத்திற்கு இசையமைப்பாளர் ஜி.வி.பிரகாஷ் குமார் இசையமைக்கிறார். தமிழ், தெலுங்கு, மலையாளம், கன்னடம், ஹிந்தி உள்ளிட்ட 5 மொழிகளில் இந்தப்படம் உருவாகி வருகிறது என்பது குறிப்பிடத்தக்கது.