சிவகார்த்திகேயன் நடித்த பிரின்ஸ் திரைப்படத்தின் தோல்விக்கான காரணத்தை தயாரிப்பாளர் தெரிவித்துள்ளார்.
ஸ்ரீ வெங்கடேஸ்வரா சினிமாஸ் மற்றும் சுரேஷ் புரோடக்ஷன் தயாரிப்பில் தெலுங்கில் ஜதி ரத்னாலு என்ற நகைச்சுவை வெற்றிப் படத்தைக் கொடுத்த இயக்குநர் அனுதீப் இயக்கத்தில் சிவகார்த்திகேயன் நடிப்பில் தீபாவளி வெளியீடாக திரைக்கு வந்த படம் பிரின்ஸ். இதில் உக்ரைன் நாட்டைச் சேர்ந்த மரியா சிவகார்த்திகேயனுக்கு ஜோடியாக நடித்திருந்தார்.
இதையும் படிக்க: வசூல் வேட்டையில் ’லவ் டுடே’... இதுவரை எவ்வளவு?
தமிழ் மற்றும் தெலுங்கு மொழிகளில் வெளியான இப்படம் கடுமையான விமர்சனங்களைப் பெற்றதுடன் தோல்விப் படமாகவும் அமைந்தது.
இந்நிலையில், இதுகுறித்து பேசிய பிரபல தயாரிப்பாளர் கே.ராஜன் “ஒரு படத்தின் வெற்றிக்கு நல்ல கதை முக்கியம். படம் வெற்றியடைந்தாலும் தோல்வியடைந்தாலும் அதற்கு இயக்குநர்கள்தான் காரணம். சிவகார்த்திகேயனின் பிரின்ஸ் தோல்வியடைந்ததற்கு அப்படத்தின் இயக்குநரே காரணம்’ எனத் தெரிவித்துள்ளார்.