செய்தி மடல்
இ-பேப்பர்
காலில் காயம் ஏற்பட்ட பூஜா ஹெக்டே, மருத்துவ சிகிச்சைக்குப் பிறகு மெல்ல மீண்டும் வரும் விடியோவை இன்ஸ்டாகிராமில் பகிர்ந்துள்ளார்.
நடிகை பூஜா ஹெக்டேவுக்கு தமிழில் பீஸ்ட், பாலிவுட்டில் ஹவுஸ்புல் 4 ஆகிய திரைப்படங்கள் அடுத்தடுத்து வெளியாகின. சமீபத்தில் பான் இந்தியா திரைப்படமாக வெளியான ராதே ஷியாம், வெற்றி பெறாவிட்டாலும் பூஜாவுக்கு நல்ல வரவேற்பையே பெற்றுத்தந்தது.
பாலிவுட்டில் ரோஹித் ஷெட்டி இயக்கத்தில் ரன்வீர் கபூருடன் சேர்ந்து நடித்த சர்கஸ் திரைப்படம் விரைவில் வெளியாகவுள்ளது. இந்நிலையில், புரோமோ பணிகளுக்கு மத்தியில் நடிகை பூஜா ஹெக்டேவுக்கு காலில் காயம் ஏற்பட்டுள்ளது.
இதனால் மருத்துவ சிகிச்சை மேற்கொண்ட பூஜா ஹெக்டே, காயத்திலிருந்து மெல்ல மீண்டு வருகிறார். காலில் ஏற்பட்ட காயத்திலிருந்து குணமடைந்து வருவதை தன்னுடைய ரசிகர்களுக்குத் தெரிவிக்கும் வகையில் இன்ஸ்டாகிராம் ஸ்டோரியில் அந்த விடியோவைப் பகிர்ந்துள்ளார்.
அதில், செவிலியர் உதவியுடன் வாக்கர் வைத்து மெல்ல நடக்கப் பழகுகிறார். இது குறித்து பதிவிட்டுள்ள பூஜா, கடந்த இரண்டு வாரங்களாக எப்படி நடக்க வேண்டும் என்பதை வாழ்க்கையில் இரண்டாவது முறையாகப் பயின்று வருகிறேன் என நையாண்டியுடன் பதிவிட்டுள்ளார். என் வாழ்க்கையில் நாள்தோறும் செய்த செயலை என்னுடைய மூளை எப்படி மறந்தது என்பதை நினைக்கையில் வேடிக்கையாக உள்ளது எனப் பதிவிட்டுள்ளார்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.