சீதா ராமம் வெற்றியை தொடர்ந்து ’கிங் ஆஃப் கோதா’ என்ற புதிய படத்தில் துல்கர் சல்மான் நடித்துள்ளார். அபிலாஷ் ஜோஷி இயக்கத்தில் உருவான இப்படத்தின் டிரைலர் சமீபத்தில் வெளியாகி பெரிய வரவேற்பைப் பெற்றது.
இது பான் இந்தியப் படமாக மலையாளம், தமிழ், தெலுங்கு, கன்னடா, ஹிந்தி என 5 மொழிகளில் வெளியாகிறது.
தொடர்ந்து, தெலுங்கு இயக்குநர் வெங்கி அட்லூரி இயக்கத்தில் துல்கர் சல்மான் நடிக்கும் படத்திற்கு ’லக்கி பாஸ்கர்’ எனப் பெயரிடப்பட்டுள்ளது.
இதையும் படிக்க: சந்திரமுகி - 2 வடிவேலு டப்பிங் விடியோ வெளியீடு!
வெங்கி அட்லூரி நடிகர் தனுஷை வைத்து ‘வாத்தி’ திரைப்படத்தை இயக்கினார். ஆனால், அப்படம் விமர்சன ரீதியாக தோல்விப்படமானது.
இந்நிலையில், இயக்குநர் அட்லியின் உதவி இயக்குநரானா கார்த்திகேயன் வேலப்பன் இயக்கத்தில் ‘கோலி’ என்கிற படத்தில் துல்கர் சல்மான் நடிக்க உள்ளதாகவும் இதில் நாயகியாக கல்யாணி பிரியதர்ஷன் ஒப்பந்தம் செய்யப்பட்டுள்ளதாகவும் தகவல் வெளியாகியுள்ளது. இப்படத்திற்கு இசை - ஜி.வி.பிரகாஷ் என்றும் தகவல்!