நடிகர் கவின் நடித்து வரும் ஸ்டார் திரைப்படத்தின் முன்னோட்ட விடியோவை படக்குழுவினர் வியாழக்கிழமை வெளியிட்டுள்ளனர்.
சின்னத்திரை நடிகரான கவின், டாடா படத்தின் மூலம் பிரபலமடைந்தார். இப்படத்தின் வெற்றிக்குப் பின் அவருக்கு நிறைய பட வாய்ப்புகள் குவிந்து வருகின்றன. தற்போது, நடன இயக்குநர் சதீஷ் படத்தில் நாயகனாக நடித்து வருகிறார்.
இதற்கிடையே, பியார் பிரேமா காதல் படத்தின் இயக்குநர் இலனுடன் ‘ஸ்டார்’ என்ற படத்தில் கவின் இணைந்துள்ளார். யுவன்சங்கர் ராஜா இசையமைக்கிறார்.
இதையும் படிக்க | கார்த்தி - நலன் குமாரசாமி படத்தின் பெயர் இதுவா?
இந்த நிலையில், யுவன்சங்கர் ராஜாவின் பிறந்த நாளையொட்டி ஸ்டார் திரைப்படத்தின் முன்னோட்ட காட்சி இன்று வெளியிடப்பட்டுள்ளது.
என் கனவுகள் வீழாது என்று யுவன்சங்கர் ராஜாவின் குரலில் பின்னணி இசையுடன் வெளியாகி இருக்கும் காணொலியில், படப்பிடிப்பு நடந்து வருவதாக தெரிவிக்கப்பட்டுள்ளது.