விஜய்யுடன் சண்டைக்காட்சியில் நடித்தேன்: பிரபல இயக்குநர்

விஜய் 67 படத்தின் படப்பிடிப்பு குறித்து பிரபல இயக்குநர் தெரிவித்துள்ளார்.

லலித்குமார் தயாரிப்பில் லோகேஷ் கனகராஜ் இயக்கும் விஜய்யின் 67வது படத்தின் படப்பிடிப்பு கடந்த சில நாள்களாக சென்னையில் நடைபெற்று வருகிறது.

இப்படம் முழுக்க முழுக்க தன்னுடைய படமாக இருக்கும் என லோகேஷ் கனகராஜ் தெரிவித்துள்ளார். மாஸ்டர் படம் பாதி இயக்குநர் படமாகவும் பாதி விஜய் படமாகவும் உருவானது. 

மிகப்பெரிய பட்ஜெட்டில் உருவாகும் இப்படத்தில் பிரபல நடிகர்கள் ஒப்பந்தமாகியுள்ளனர். 

இதையும் படிக்க: மீண்டும் மோதும் அஜித் - விஜய்?

இந்நிலையில், இப்படத்தில் தான் ஒரு சண்டைக்காட்சியில் நடித்ததாகவும் அதில் விஜய்யை அடிக்கும் காட்சிகள் படமாக்கப்பட்டதாகவும் இயக்குநர் மிஷ்கின் தெரிவித்துள்ளார்.

விஜய் 67 படப்பிடிப்பு குறித்து அதிகாரப்பூர்வ அறிவிப்பு எதுவும் வெளியாகாத நிலையில் மிஷ்கின் வெளியிட்ட தகவல் படக்குழுவினரிடையே அதிர்ச்சியை ஏற்படுத்தியுள்ளது.